«جەدەل وپەراتسيا بارىسىندا شىعىس قازاقستان وبلىسىنىڭ پوليتسيا قىزمەتكەرلەرى سينتەتيكالىق ەسىرتكىنىڭ اسا ءىرى پارتيالارىن جەتكىزۋمەن اينالىساتىن توپتى ۇستادى. اباي وبلىسىنا قاراستى قالباتاۋ اۋىلى ماڭىنداعى تاس جولدا 35 جاستاعى الماتى تۇرعىنى قولعا ءتۇستى. ول وبلىس ورتالىعىنا «سۋبارۋ لەگاسي» اۆتوكولىگىمەن بارا جاتقان. جەدەل ۋاكىلدەر ونىڭ سالونىنان جاپسىرمامەن ورالعان پاكەت تاركىلەدى. پاكەتتىڭ ىشىنەن «جىلدامدىق» دەپ اتالاتىن كەلىگە جۋىق پسيحوتروپتىق زات تابىلعان», دەدى اقتوتى بورانوۆا ۆەدومستۆونىڭ ءباسپاسوز قىزمەتى الاڭىندا وتكەن بريفينگتە.
ونىڭ ايتۋىنشا, كۇدىكتىلەر ەسىرتكى زاتتارىن ەلەكتروندى اقپارات جۇيەسى ارقىلى وڭىرلەرگە تاراتۋدى جوسپارلاعان. تەكسەرۋ بارىسىندا ولاردىڭ ەسىرتكى زاتتارىنىڭ ءبىر بولىگىن تەككەلى قالاسىنداعى سىبايلاستارىنا قالدىرعانى بەلگىلى بولدى.
ء«ىىم ەسىرتكى قىلمىسىنا قارسى ءىس-قيمىل دەپارتامەنتىنىڭ ۇيلەستىرۋىمەن الماتى وبلىسىنىڭ پوليتسيا قىزمەتكەرلەرى ەسىرتكىنىڭ ءبىر بولىگىن تەكەلى قالاسىنان 40 شاقىرىم جەردەن تاپتى. جاسىرىلعان ەسىرتكىنى الۋ بارىسىندا جەرگىلىكتى تۇرعىن ۇستالدى. ونىڭ اۆتوكولىگىن تەكسەرگەن كەزدە سالماعى 2 كەلى «مەفەدرون» پسيحوتروپتىق زاتتىڭ 4 تۇيىرىنەن تۇراتىن قالتاشا تاركىلەندى. سونداي-اق ۇستالعان ازاماتتىڭ تۇرعىلىقتى جەرىنەن «مەفەدرون» سالىنعان 154 زيپ-پاكەتى, بۋىپ-ءتۇيۋ ماتەريالدارى مەن تارازى تاركىلەندى», دەدى ول.
