تامىزداعى ۇبت شەكتى بالل جيناي الماعان تالاپكەرلەردىڭ تەستىلەۋدەن قايتا ءوتىپ, جوو-عا اقىلى نەگىزدە ءتۇسۋ ءۇشىن وتكىزىلەدى.
ايتا كەتسەك, وسى ۇبت-عا بيىلعى جانە وتكەن جىلداردىڭ مەكتەپ تۇلەكتەرى, كوللەدج تۇلەكتەرى مەن شەتەلدىك مەكتەپتە ءبىلىم العاندار قاتىسا الادى. نەگىزگى ۇبت سەكىلدى تامىزداعى تەستىلەۋ ەلەكتروندى فورماتتا 10-13 تامىز ارالىعىندا وتەدى. تىركەلۋ كەزىندە تەستىلەنۋشىلەر ەمتيحان وتكىزىلەتىن ورىندى, كۇندى جانە ۋاقىتتى وزدەرى تاڭدايدى. نەگىزگى ۇبت-عا قاتىسقان تالاپكەرلەر بەيىندىك پاندەر كومبيناتسياسىن تامىز تەستىلەۋىندە وزگەرتە الادى.
«قاڭتار-شىلدە ارالىعىندا وتكەن ۇبت-دا كەي تالاپكەرلەر شەكتى بالل جيناي المادى. شەكتى بالسىز ولار ەلىمىزدىڭ جوعارى وقۋ ورىندارىنا تۇسە المايدى. ءبىز وسى بالالاردىڭ اقىلى بولىمگە ءتۇسۋ مۇمكىندىگى بولۋى ءۇشىن, تامىز ايىندا قايتا تەستىلەۋدەن وتۋگە جاعداي جاسادىق. وقۋعا ءتۇسۋ ءۇشىن شەكتىك بالل جانە ءار پاننەن كەمىندە 5 بالل جيناۋ قاجەت», دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
