قايعىلى وقيعا 23 شىلدەدە ساعات 17:30 شاماسىندا تاراز قالاسىنا جاقىن ماڭداعى جامبىل اۋدانى جاسوركەن اۋىلىندا بولعان. نەمەرەسىن ەرتكەن قارت سول كۇنى وزەنگە شومىلماق بولعاندا سۋعا باتىپ كەتكەن.
سۋعا باتىپ كەتكەن ەر ادامنىڭ دەنەسى شىعارىلعان سوڭ, قۇتقارۋشىلار مەن جەرگىلىكتى تۇرعىندار تالاس وزەنىنە باتىپ كەتكەن قىزدىڭ دەنەسىن ءبىر تاۋلىكتەن استام ۋاقىت ىزدەدى.
«ىزدەۋ جۇمىستارى 24 شىلدەدە ساعات تاڭعى 5:00-دەن باستالدى. وعان جامبىل وبلىستىق تجد 74 قىزمەتكەرى مەن 7 تەحنيكاسى جۇمىلدىرىلدى. سونداي-اق ىزدەۋ جۇمىستارىنا سۋعا باتقان قىزدىڭ تۋىستارى مەن جاقىن ماڭداعى اۋىل تۇرعىندارى دا استالىستى. قىزدى ىزدەۋ تۋرالى الەۋمەتتىك جەلىگە جازىلعان حابارلاماعا ەرىكتىلەر دە ءۇن قوسىپ, كومەكتەستى. قىزدىڭ دەنەسىن سۋ اعىسى الىپ كەتكەن. ىزدەۋ جۇمىستارىنا بارلىعى 200 ادام قاتىستى», دەپ حابارلادى جامبىل وبلىستىق تجد ءباسپاسوز قىزمەتىنىڭ جەتەكشىسى ساۋلە مۇڭاتباەۆا.
قىزدىڭ دەنەسى 24 شىلدەدە ساعات 18:10-دا تابىلدى.
