«اقمولالىق قۇتقارۋشىلار بەس كۇن بۇرىن استانا سۋ قويماسىندا سۋعا باتىپ كەتكەن 27 جاستاعى بويجەتكەننىڭ دەنەسىن تاپتى. ىزدەستىرۋ جۇمىستارىنا قۇرامىندا 10 ادام, ىزدەۋ ءيتى جانە ەكى موتورلى قايىعى بار قۇتقارۋشىلار توبى جۇمىلدىرىلدى. سۇڭگۋىرلەردىڭ جۇمىسىنا قاتتى جەل مەن سۋ تۋبىندەگى بالدىرلار كەدەرگى كەلتىردى», دەلىنگەن وبلىستىق تجد ءباسپاسوز قىزمەتىنىڭ حابارلاماسىندا.
بۇل قايعىلى جاعداي 19 شىلدەدە ورىن العان. سول كۇنى بويجەتكەن سۋ قويماسىنا قۇربىلارىمەن دەمالۋعا بارعان. گيدروتسيكلمەن ءجۇزۋ كەزىندە ول سۋعا قۇلاپ, باتىپ كەتتى.
ايتا كەتسەك, كوز جۇمعان بويجەتكەن باق-تا سمم مامانى بولىپ قىزمەت ەتكەن, بۇرىن قازاقپارات حالىقارالىق اگەنتتىگىندە جۇمىس ىستەگەن.
