وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, قايعىلى جاعداي 19 شىلدە كۇنى ارشالى اۋدانى اۋماعىنداعى استانا سۋ قويماسىندا بولعان.
«19 شىلدەدە 21:03 شاماسىندا ارشالى اۋداندىق پب كەزەكشىسى حابارلاسىپ 1995 جىلعى قىز سۋعا باتىپ كەتكەندىگىن ايتتى. قازىرگى ۋاقىتتا قۇرامىندا 10 ادام مەن ەكى ماتورلى قايىعى بار قۇتقارۋشىلار توبى سۋعا باتقان ادامدى ىزدەستىرۋدە», دەدى توتەنشە جاعدايلار دەپارتامەنتىنىڭ ءباسپاسوز قىزمەتىنەن.
اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, سۋعا باتقان ايەل سول كۇنى سۋ قويماسىنا قۇربىلارىمەن دەمالۋعا بارعان. ول گيدروتسيكلدە ءجۇزىپ جۇرگەن كەزىندە سۋعا قۇلاپ كەتكەن.
«بۇل جاعداي سوتقا دەيىنگى تەرگەۋدىڭ بىرىڭعاي تىزىلىمىندە ەنگىزىلدى», دەدى پوليتسيا دەپارتامەنتى ءباسپاسوز قىزمەتى.
