اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 31 جاستاعى ەر ادام 20 شىلدەدە شويىندىكول اۋىلى اۋماعىندا قولعا تۇسكەن. كۇدىكتىنىڭ «گازەل» كولىگىن ءتىنتۋ كەزىندە ءبىر كيىك ەتى, «مر-153» تەگىس ۇڭعىلى مىلتىق, سونداي-اق 12 كاليبرلى 11 پاترون تابىلدى.
«اتالمىش دەرەك قىلمىستىق كودەكستىڭ 337-بابى 4-بولىگى («زاڭسىز اڭشىلىق») بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. كۇدىكتىگە «كەلۋ تۋرالى مىندەتتەمە» تۇرىندە پروتسەسسۋالدىق ماجبۇرلەۋ شاراسى تاڭدالدى», دەدى ۆەدومستۆودان.
وسى رەتتە پوليتسيا قىزمەتكەرلەرى ەل اۋماعىندا عىلىمي ماقساتتاردا پايدالانۋدى قوسپاعاندا, كيىكتەردى, ولاردىڭ بولىكتەرى مەن دەريۆاتتارىن 2023 جىلعا دەيىن پايدالانۋعا تىيىم سالىنعانىن ەسكە سالادى.
