پرەزيدەنت مۋزەي-ۇيدە مۇحتار اۋەزوۆتىڭ ءبيۋستىن اشتى جانە قۇرمەتتى قوناقتار كىتابىنا قولتاڭبا قالدىردى.
ايتا كەتەيىك, مۇحتار اۋەزوۆتىڭ شولپان-اتاداعى ءۇيى 1959 جىلى سالىنعان. قازاقتىڭ ۇلى جازۋشىسى بۇل ۇيدە 1959-1961 جىلدارى تۇرىپ, جۇمىس ىستەگەن, سونداي-اق ءوزىنىڭ «وسكەن وركەن» اتتى سوڭعى رومانىن جازۋدى باستاعان. بىراق اياقتاپ ۇلگەرمەدى.
1970 جىلى قىركۇيەكتە مۇندا مۇحتار اۋەزوۆتىڭ كىتاپحانا-مۋزەيىنىڭ رەسمي اشىلۋ ءراسىمى ءوتتى. قازىرگى ۋاقىتتا مۋزەيدە جازۋشىنىڭ جەكە زاتتارى: ۇستەل, ورىندىقتار, تەربەلمەلى كرەسلو, ۇستەل ساعاتى, كيىم ىلگىش, كىتاپ شكافى, كىتاپتار ساقتالعان.
جازۋشىنىڭ قىزى ءلايلا مۇحتارقىزىنىڭ باستاماسىمەن كىتاپحاناعا العاشقى 5000 دانا كىتاپ جينالدى. قازىر كىتاپحاناداعى كىتاپ قورى – شامامەن 12000. كىتاپحانا-مۋزەيدە سەمينارلار, وقۋ كونفەرەنتسيالارى, كەزدەسۋلەر وتكىزىلىپ تۇرادى.
