وبلىستىق پوليتسيا دەپارتامەنتىنىڭ مالىمەتىنشە, قايعىلى وقيعا 20 شىلدەدە ساعات 04.20 شاماسىندا ومبى-مايقاپشاعاي تاسجولىنىڭ 484/837 شاقىرىمىندا بولعان.
«جارما اۋدانىندا Toyota Crown كولىگىنىڭ جۇرگىزۋشىسى رولگە يە بولا الماي, ءۇش جىلقىنى قاعىپ كەتكەن. جول-كولىك اپاتى سالدارىنان 21 جاستاعى جۇرگىزۋشى وقيعا ورنىندا كوز جۇمدى. ءتورت جولاۋشى, ونىڭ ىشىندە 2 ايەل, ەر ادام جانە ءبىر جاسار بالا اۋرۋحاناعا جەتكىزىلدى. دارىگەرلەر ەر ادامدى اۋرۋحاناعا جاتقىزدى, قالعان زارداپ شەككەندەرگە كومەك كورسەتىلگەننەن كەيىن ۇيلەرىنە شىعارىلدى», دەلىنگەن پد حابارلاماسىندا.
اتالعان دەرەك بويىنشا قر قىلمىستىق كودەكسىنىڭ 345-بابىنىڭ 3-بولىگى «ابايسىزدا ادام ولىمىنە اكەپ سوققان كولىك قۇرالدارىن باسقاراتىن ادامنىڭ جول قوزعالىسى ەرەجەلەرىن بۇزۋى» بويىنشا سوتقا دەيىنگى تەرگەۋ باستالدى.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە, بىرقاتار سوت-مەديتسينالىق ساراپتاما تاعايىندالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى.
