ەرىك تولەنوۆ ۇلتتىق ءداستۇردى ساقتاۋداعى جوعارى شەبەرلىگى ءۇشىن مەملەكەتارالىق «مير» - تەلەراديوكومپانياسىنىڭ «پەسنيا - پۋت ك سودرۋجەستۆۋ» ارنايى ماراپاتىنا يە بولدى. سونداي-اق حالىقارالىق بايقاۋدىڭ لاۋرەاتى اتاندى. ال 12 جاستاعى الينۋر حامزين بالالار اراسىندا وسى سايىستا ەكىنشى ورىن الدى.
ەرىك تولەنوۆ 1993 جىلى تۇركىستان وبلىسى, اششىساي اۋىلىندا دۇنيەگە كەلگەن. كەنتاۋ قالاسىنداعى №23 تۇرار رىسقۇلوۆ اتىنداعى مەكتەپتى, ت.جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن, 2014-2016 جىلدارى ءتۇرلى مۋزىكالىق توپتاردا ونەر كورسەتكەن. 2021 جىلى Mozart حالىقارالىق شىعارماشىلىق فەستيۆالىنىڭ جانە Welle-music wave حالىقارالىق بايقاۋىنىڭ گران-پري يەگەرى اتانعان, The Voice of Kazakhstan تانىمال بايقاۋىندا II ورىن الدى. ونىڭ قويىلىمى الەمنىڭ ەڭ ۇزدىك The Voice شوۋلارىنىڭ قاتارىنا ەندى.
الينۋر حامزين 2010 جىلى ورال قالاسىندا دۇنيەگە كەلگەن. №27 مەكتەپ-ليتسەيىنىڭ 6-سىنىبىندا جانە № 1 مۋزىكا مەكتەبىندە وقيدى. سوڭعى 5 جىلدا رەسپۋبليكالىق كونكۋرستارعا, تەلەجوبالارعا جانە حالىقارالىق كونكۋرستارعا, ونىڭ ىشىندە پاريجدەگى Junior Eurovision بايقاۋىنا, تاشكەنتتەگى «روزا ۆوستوكا» حالىقارالىق كونكۋرسىنا قاتىسقان. سونداي-اق ول ءار ءتۇرلى تەلەجوبالار مەن كونكۋرستاردىڭ لاۋرەاتى.
