قىزىلوردا وبلىسىندا ۆيرۋس ءورشىپ تۇر. كتك حابارلاعانداي, كونگو-قىرىم قىزباسىنان 30 جاستان اسقان ءۇش ەر ادام مەن 11-سىنىپ وقۋشىسى كوز جۇمعان.
ءولىم-ءجىتىم جالاعاش, شيەلى اۋداندارىندا جانە وبلىس ورتالىعىندا تىركەلدى. قاۋىپتى دياگنوزى راستالعان ءوڭىردىڭ تاعى 10 تۇرعىنى قازىر ەمدەلۋدە. وعان قوسا, بايلانىس شەڭبەرىندە بولعان 211 ادام دارىگەرلەردىڭ باقىلاۋىنا الىندى.
بيىلعى جازدا كەنە شاعۋ جاعدايلارىنىڭ سانى ءۇش ەسە ءوستى. كونگو-قىرىم قىزباسىن ءدال سولار تاسىمالدايدى. ۆيرۋستىڭ تارالۋ كارتاسى دا وسۋدە.
«ناۋقاستارمەن بايلانىستا بولعان 211 ادام مەديتسينالىق باقىلاۋعا الىندى. ولاردىڭ اراسىندا اۋرۋ انىقتالعان جوق. بارلىق وشاقتاردا ەنتومولوگيالىق زەرتتەۋلەر مەن دەزينفەكتسيا جۇرگىزىلدى», دەيدى قىزىلوردا وبلىسىنىڭ ەسجك قوعاممەن بايلانىس جونىندەگى مامانى ايمان جاناحاەۆا.
