«وتانداستار قورى» كوممەرتسيالىق ەمەس اكتسيونەرلىك قوعامىنىڭ ۇيىمداستىرۋىمەن 17-28 شىلدە كۇندەرى 12 مەن 17 جاس ارالىعىنداعى شەتەلدەگى قازاق بالالارىنا ارنالعان جازعى لاگەر وتۋدە.
لاگەر اقمولا وبلىسى, بۋراباي اۋدانى, ششۋچە كولىنىڭ وڭتۇستىك شىعىس جاعالاۋىندا ورنالاسقان «IQanat High School of Burabay» مەكتەبىنىڭ بازاسىندا ۇيىمداستىرىلعان.
قازاقتىڭ ۇلى اقىنى اباي قۇنانباي ۇلىنىڭ تۇجىرىمداماسىنا ساي تالاپ, ەڭبەك, تەرەڭ وي, قاناعات, راقىم قۇندىلىقتارىنا نەگىزدەلگەن بۇل لاگەرگە فرانتسيا, تۇركيا, يران, قىرعىزستان, قىتاي, موڭعوليا, وزبەكستان, رەسەيدەن 84 قازاق بالاسى كەلگەن.
سونىمەن قاتار قازاقتىڭ ۇلتتىق بولمىسى, سالت-ءداستۇر, ونەرى مەن زاماناۋي ءبىلىم, عىلىم تەندەنتسيالارىن ونىڭ ىشىندە STEM, روبوتوتەحنيكا, كاسىپكەرلىك, جوبالاردى باسقارۋ داعدىلارى ۇشتاستىرعان.
لاگەردىڭ اشىلۋ سالتاناتىندا «وتانداستار قورىنىڭ» پرەزيدەنتى ابزال ساپاربەك ۇلى قاتىسۋشىلاردى بالالار جىلىمەن قۇتتىقتاپ, اتاجۇرتقا كەلىپ الاڭسىز بوي سەرگىتىپ, وي جيناقتاپ, تاماشا دەمالىس وتكىزۋىنە تىلەكتەس ەكەنىن ايتتى.
ء«ار ەلدەن كەلىپ, ءتۇرلى تىلدەردە سويلەپ وسكەن جاسوسپىرىمدەر جينالا قالسا, ءبىرىن ءبىرى تەك قازاق تىلىندە سويلەگەندە عانا تۇسىنە الادى. وسىلايشا تاجىريبە جيناپ قازاق تىلىنە دەگەن قۇشتارلىقتارى ويانادى», دەيدى اكتسيونەرلىك قوعامنىڭ پرەزيدەنتى.
شەتەلدەگى قازاق بالالارىنا ارنالعان جازعى لاگەرلەر 2019 جىلىدان باستاۋ العان ەدى. سول جىلى 5 ءتۇرلى باعىتتا جازعى دەمالىستار ۇيىمداستىرىلىپ 600 گە جۋىق قازاق بالاسى قازاقستانعا كەلگەن بولاتىن.
ەكى جىل پاندەميا كەسىرىنەن ۇيىمداستىرىلماعان بۇل شارالار بيىلدان باستاپ قايتا جۇزەگە اسا باستادى.
