«قابىلدانىپ جاتقان شارالارعا قاراماستان, ءورت قاۋپى كەزەڭى باستالعالى 394 ورمان ءورتى جانە 22 دالا ءورتى تىركەلدى. ءورتتىڭ جالپى اۋدانى 34 مىڭ 785 گەكتارعا جەتتى. اسىرەسە ەلدى مەكەندەردەگى قۇرعاق ءشوپ ءورتى ەرەكشە الاڭداۋشىلىق تۋعىزادى, ونىڭ جالىنى تۇرعىن ۇيلەرگە جەتۋى مۇمكىن», دەدى ن. دەربىسوۆ
ونىڭ ايتۋىنشا, 20 ماۋسىم كۇنى قاراعاندى وبلىسىندا نايزاعايدان دالا ءورتى تۇتانعان. وعان ەكپىندى جەل قوسىلىپ, 45 گەكتاردان استام جەر ورتەنگەن جانە ونى ءسوندىرۋ كەزىندە ءبىر ادام جارالانىپ, ءبىر ادام قازا تاپتى.
«سونداي-اق 14 شىلدە كۇنى اتىراۋ وبلىسىندا دالا ءورتى سالدارىنان جۇزدەگەن قوي قىرىلدى. قازىرگى ۋاقىتتا ناقتى شىعىن مەن ولگەن مالدىڭ سانى انىقتالىپ جاتىر. ورمان جانە دالا ءورتىنىڭ كوپشىلىگى 100 شاقىرىم راديۋستا تجم بولىمشەلەرى جوق شالعاي اۋماقتاردا تۇتانادى», دەدى ول.
