«2014-2015 جىلدارى بالا ءولىمى جاعدايلارى تىم جيىلەدى. ودان كەيىنگى ەكى جىلدا قايتا باسەڭدەپ, 2019 جىلى قايتا ءوسىم پايدا بولدى. بۇل ءبىرىنشى كەزەكتە انالاردىڭ دەنساۋلىعىنا بايلانىستى. ءسابي ءولىمى دەگەنىمىز – ءبىر جاسقا تولماعان بالالاردىڭ ءولىمى ەكەنىن ەسكەرسەك, نەگىزىنەن كوبى پەريناتالدىق سەبەپتەردەن كوز جۇمادى. بالالار بەلگىلى ءبىر اۋرۋمەن تۋادى دەگەن ءسوز. بۇل باعىتتا نە ىستەلىپ جاتىر؟ بىزدەگى پەرزەنتحانالاردىڭ, پەريناتالدىق ورتالىقتاردىڭ كوبى وتكەن عاسىردا سالىنعان. ولاردىڭ ماتەريالدىق-تەحنيكالىق بازاسى باياعىدا ەسكىرىپ كەتكەن. شالا تۋعان جانە اۋرۋمەن تۋعان نارەستەلەردى بۇل نىسانداردا ەمدەپ, ۇستاۋعا ءتيىستى جاعداي جاسالماعان. نىساندار حالىقارالىق ستاندارتتارعا ساي كەلمەيدى. پرەزيدەنتتىڭ قولداۋىمەن, تاپسىرماسىمەن ۇكىمەت جاڭا پەريناتالدىق ورتالىقتاردىڭ قۇرىلىسىن جوسپارلايتىن بولدى. سونداي-اق, بۇكىل پەرزەنتحانالاردا كۇردەلى جوندەۋ جۇرگىزىلەدى», دەدى اجار عينيات.
مينيستر سوڭعى 10 جىلدا بالا ءولىمىنىڭ كورسەتكىشى قۇبىلىپ تۇرعانىن ايتتى.
ء«بىرىنشى جارتىجىلدىقتا پاندەميا باستالعاننان بەرى العاش رەت جالپى ءولىم-ءجىتىمنىڭ ازايۋىن بايقاپ وتىرمىز. وتكەن 6 ايدا حالىق اراسىنداعى ءولىم-ءجىتىم 10 پايىز تومەندەدى. دەسەك تە, دەنساۋلىق ساقتاۋ جۇيەسى تۇگەل, تولىق اۋقىممەن جۇمىس ىستەپ جاتىر. تەك COVID ينفەكتسياسىمەن عانا كۇرەسىپ جاتقان جوق, اۋرۋلاردىڭ الدىن الۋ, جوعارى ماماندانعان مەديتسينالىق كومەك دامىپ كەلەدى. كولىك مەديتسيناسى, قاشىقتان ەمدەۋ جولعا قويىلدى. ەلدە الەۋمەتتىك-ەكونوميكالىق احۋال جاقسارىپ كەلە جاتقانىن ەسكەرسەك, دەنساۋلىق كورسەتكىشتەرى دە جاقسارىپ كەلەدى», دەدى ۆەدومستۆو باسشىسى.
