كوميتەت «اتامەكەن» ۇكپ-مەن بىرلەسىپ, ققس-تى جەڭىلدەتىلگەن تارتىپپەن قايتارۋى بويىنشا پيلوتتىق جوبانى ىسكە قوستى.
جوبانىڭ ماقساتى «اۋىل شارۋاشىلىعى تاۋارىن ءوندىرۋشى – ەلەۆاتور – ەكسپورتتاۋشى» قاعيداتى بويىنشا اۋىل شارۋاشىلىعى تاۋارىن ءوندىرۋشى مەن ەكسپورتتاۋشى اراسىنداعى كوپتەگەن دەلدالدار مەن الىپساتارلاردى قىسقارتۋ.
مۇنداي تىزبەك ەڭ الدىمەن ەكسپورتتاۋشىلاردىڭ وزدەرى ءۇشىن ىڭعايلى. ەرەجەلەر تەك ەرىكتى سيپاتتى جانە مىندەتتى ەمەس. كەز-كەلگەن كومپانيا وعان قوسىلا الادى.
پيلوتتىق جوبا قاتىسۋشىنىڭ تاڭداۋى بويىنشا ەكى نۇسقادا جۇزەگە اسادى:
1) بانكتىك كەپىلدىك بويىنشا 15 جۇمىس كۇنى ىشىندە كامەرالدىق باقىلاۋسىز;
2) بانكتىك كەپىلدىك بولماعان جاعدايدا 100 كۇنتىزبەلىك كۇن ىشىندە ققس قايتارۋدى كوزدەيدى.
جالپى بەلگىلەنگەن تارتىپپەن ققس 55 جۇمىس كۇنى ىشىندە (تۇراقتى ەكسپورتتاۋشىلار ءۇشىن) جانە 155 كۇنتىزبەلىك كۇن ىشىندە قايتارىلادى.
پيلوتتىق جوبا اياسىندا استىقتىڭ قاداعالانۋى ىسكە اسىرىلدى:
1) استىقتى ءوندىرۋ, ساقتاۋ وبەكتىلەرىن جانە استىقتىڭ ومىرلىك تسيكلىن ەسەپكە الۋ.
2) «القاپتان شەكاراعا دەيىن» استىقتىڭ باقىلانۋى.
ول ءۇشىن «Qoldau» اقپاراتتىق جۇيەسىندە «استىق اينالىمى بويىنشا وپەراتسيالاردى ەسەپكە الۋ ءۇشىن AstyqQoima ۆيرتۋالدى استىق قويماسى» ءمودۋلى ازىرلەندى:
- سەبۋ, ۆەگەتاتسيا, جيناۋ عارىش تۇسىرىلىمدەرى ارقىلى.
- ەشف, ەلەكتروندىق استىق قولحاتتارى ارقىلى تاسىمالداۋ, ساقتاۋ, ساتىپ الۋ-ساتۋ.
ەكى ەكسپورتتاۋشىمەن 2022 جىلدىڭ 1 توقسانىندا 15 ملن تەڭگە مولشەرىندەگى ققس سوماسىنا قايتارۋ تالابى ۇسىنىلدى. ناتيجەسىندە كورسەتىلگەن سوما 30 كۇنتىزبەلىك كۇن ىشىندە قايتارىلدى. 2022 جىلدىڭ 2 توقسانىندا پيلوتتىق جوبا شەڭبەرىندە ققس سوماسىن قايتارۋعا قويىلاتىن تالاپتار ۇسىنىلادى دەپ كۇتىلۋدە.
