تارازداعى الىپ ءوندىرىس «قازفوسفات» زاۋىتىندا تەحنيكالىق اپات بولىپ, ودان شىققان قويۋ ءتۇتىن قالا كوشەلەرىنە جايىلدى. وبلىستىق ەكولوگيا دەپارتامەنتىنىڭ ماماندارى كاسىپورىن جۇمىسىن ۋاقىتشا توقتاتپاق. سەبەبى, اۋاعا زياندى كۇكىرت سۋتەگىنىڭ مولشەرى شامادان تىس تاراپ كەتكەن كورىنەدى. بۇل جاعداي تاۋلىگىنە ەكى رەت قايتالانعان.
«سانيتارلىق قوعاۋ اۋماعىنان سىناما الىنىپ, ول جەردە كۇكىرت سۋتەك زياندى زاتتار انىقتالىپ, نورمادان تىس اسقانى انىقتالدى. قازىرگى تاڭدا جوسپاردان تىس تەكسەرىس دايىندالىپ جاتىر. زەردەلەۋ جۇمىستارى جۇرگىزىلىپ جاتىر. جوندەگەنگە دەيىن زاۋىت جۇمىسىن ۋاقىتشا توقتاتاتىن شىعارمىز», دەدى جامبىل وبلىسى ەكولوگيا دەپارتامەنتىنىڭ ءبولىم باسشىسى سەرىك نۇرباەۆ.
زاۋىت ماماندارى دا بولعان وقيعانىڭ سەبەپتەرىن انىقتاپ جاتىر. «قازفوسفات» جشس باس ەكولوگى ارمان قاراعاليەۆتىڭ ايتۋىنشا, زاۋىت زەرتحاناسىندا زەرتتەۋ جۇرگىزىلگەن, سانيتارلىق ۋچاسكەلەر مەن قالا ماڭىندا دوزانىڭ شامادان تىس اسقانى تىركەلگەن جوق.
«قازفوسفات» جشس باس ديرەكتورى نۇرلانوۆ كۇكىرت-قىشقىل تسەحىندا پايدا بولعان اقاۋدى جويۋ, سونداي-اق الداعى ۋاقىتتا مۇنداي جاعدايدى بولدىرماۋ بويىنشا قاجەتتى ءىس-شارالار وتكىزۋدى تاپسىردى.
قازىرگى ۋاقىتتا مينەرالدى تىڭايتقىشتار زاۋىتى شتاتتىق رەجيمدە جۇمىس ىستەيدى.
