اۆتوكولىك جۇرگىزۋشىسىنىڭ ايتۋىنشا, ۇستالعاندار ونى inDriver قوسىمشاسى ارقىلى تاكسي جۇرگىزۋشىسى رەتىندە لۋگوۆوي اۋىلىنا دەيىن الىپ بارۋ ءۇشىن جالداعان. ساراپتاما ناتيجەسى بويىنشا تاركىلەنگەن زات جالپى سالماعى 10,5 كەلى بولاتىن كەپتىرىلمەگەن ماريحۋانا ەسىرتكى زاتى ەكەنى انىقتالدى.
كۇدىكتىلەر جامبىل وبلىسىنىڭ ۋاقىتشا ۋستاۋ يزولياتورىنا قامالدى. وسى فاكتىگە بايلانىستى قر قك 296-بابىنىڭ 4-بولىگى بويىنشا سوتقا دەيىنگى تەرگەپ-تەكسەرۋ باستالدى. جازا ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋدى كوزدەيدى. ەگەر ەسىرتكىنى ساقتاۋ جانە تاسىمالداۋ, وتكىزۋ ماقساتىنداعى فاكتى تەرگەۋمەن دالەلدەنسە, وندا مۇلكى تاركىلەنىپ, جازا ون جىلدان ون بەس جىلعا دەيىن باس بوستاندىعىنان ايىرۋدى قۇرايدى.
«1 ماۋسىمنان باستاپ «قاراسورا» ارنايى وپەراتسياسى كەزىندە پوليتسيا قىزمەتكەرلەرى تەمىرجول كولىگىندە 44 ەسىرتكى قىلمىسىن انىقتادى. ولاردىڭ ىشىندە اسا ءىرى مولشەردە ەسىرتكى وتكىزۋدىڭ ءۇش فاكتىسى, كونتراباندانىڭ ءبىر فاكتىسى جانە اسا ءىرى مولشەردە ەسىرتكى ساقتاۋدىڭ ەكى فاكتىسى بار», دەدى كولىكتەگى پوليتسيا دەپارتامەنتى باستىعىنىڭ ورىنباسارى ەرلان جالماعامبەت.
