بۇل بويىنشا وبلىس اكىمىنىڭ تاپسىرماسىمەن شۇعىل ەكولوگتار, توتەنشە جاعدايلار دەپارتامەنتىنىڭ ماماندارى جانە باسقا دا جاۋاپتى تۇلعالاردىڭ قاتىسۋىمەن جۇمىس توبى قۇرىلدى. جۇمىس توبىن جامبىل وبلىسى اكىمىنىڭ ورىنباسارى رۇستەم داۋلەت باسقارادى.
جامبىل وبلىستىق ەكولوگيا دەپارتامەنتى تاراز قالاسىنداعى سۇلەيمەنوۆ كوشەسىندە شرك (شەكتى رۇقسات ەتىلگەن كونتسەنتراتسيا) بويىنشا ولشەۋ جۇرگىزدى. ناتيجەسىندە اممياك پەن كۇكىرتتى سۋتەگى بويىنشا شرك مولشەرىنەن اسپاعاندىعى انىقتالعان. فتور قوسىلىستارىنىڭ ازداپ جوعارىلاۋى بايقالعان.
سونداي-اق جامبىل اۋدانى شايقورىق اۋىلىندا دا زەردەلەۋ جۇرگىزىلگەن. شرك ارتۋى انىقتالعان جوق.
تاراز قالاسىنىڭ ساتباەۆ كوشەسىندە ورنالاسقان «قازگيدرومەت» رمك اۆتوماتتاندىرىلعان ستانتسياسىنىڭ مالىمەتىنشە, اۋادان زياندىلىعى جوعارى زاتتار تابىلماعان.
تاراز قالاسىنىڭ تۇرعىندارىنىڭ دەنساۋلىعىنا ەشقانداي قاۋىپ جوق. قازىرگى ۋاقىتتا ءتۇتىن باسىلعان.
ەرتەڭ ەكولوگيا دەپارتامەنتىمەن قوسىمشا اقپاراتتار ۇسىنىلاتىن بولادى.
