بيىل جالپى وبلىس بويىنشا 319 990 گەكتاردى وڭدەۋ جۇمىستارى جوسپارلانعان. ونىڭ ىشىندە شالقار, ىرعىز جانە ايتەكە بي اۋداندارى باستى نازاردا بولدى. سەبەبى اتالعان اۋدانداردا شەگىرتكە مۇلدە قاپتاپ كەتكەن.
«يتاليا شەگىركەسىنە قارسى حيميالىق وڭدەۋ جۇمىستارىن جۇرگىزۋگە مەردىگەر مەكەمەلەر انىقتالىپ, ءوز جۇمىستارىن جۇرگىزىپ جاتىر. وبلىس بويىنشا 319 990 گەكتار جەردىڭ 300 000 گەكتاردان استامى وڭدەلدى. بۇگىنگى كۇنى ايتەكە بي اۋدانى يتالياندىق شەگىرتكەگە جانە ىرعىز اۋدانى ازيالىق شەگىرتكەگە قارسى حيميالىق وندەۋ جۇمىستارى جالعاستى. الەۋمەتتىك جەلىگە شىققان اقپاراتقا قاتىستى ايتار بولسام, بۇل قارابۇتاق ەلدىمەكەنىنە قاراستى قاباق جايلاۋى. وندا حيميالىق وندەۋ جۇمىستارى جۇرگىزىلدى. قازىر تاڭدا ەگىن القاپتارىنا زيانكەستەردىڭ كىرىپ كەتپەۋى ءۇشىن بار شارا قابىلدانىپ جاتىر», دەدى قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ وبلىستىق اۋماقتىق ينسپەكتسيا باسشىسى داستان ساعىروۆ.
بۇگىنگى كۇنى شەگىرتكەلەردىڭ شاعىلسۋ جانە جۇمىرتقا سالۋ كەزەنى ءجۇرىپ جاتىر. جۇمىرتقا سالعانان كەيىن 15-20 كۇن ارالىعىندا شەگىرتكە ولەدى. اۋا رايىنا بايلانىستى حيميالىق وڭدەۋ جۇمىستارى شىلدە ايىنىڭ اياعىنا دەيىن جۇرگىزىلەدى.
بيىل شەگىرتكەگە قارسى كۇرەسكە 2,5 ملرد تەڭگە جۇمسالادى. بۇل تۋرالى قر اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ توراعاسى المابەك مارس ورتالىق كوممۋنيكاتسيالار قىزمەتىندە وتكەن بريفينگىدە حابارلادى.
«رەسپبۋليكا اۋماعىندا ەرەكشە قاۋىپتى ورگانيزمنىڭ 12 ءتۇرى, زياندى ورگانيزمنىڭ 5 ءتۇرى, كارانتيندىك وبەكتىلەردىڭ 14 ءتۇرى تارالعان. شەگىرتكەلەرمەن كۇرەسۋگە ەرەكشە كوڭىل بولىنەدى», دەدى كوميتەت توراعاسى.
