جالپى, 2017 جىلدىڭ 1 شىلدەسى مەن 2022 جىلدىڭ 30 ماۋسىمى ارالىعىندا نۇر-سۇلتان قالاسى بويىنشا مەديتسينالىق ساقتاندىرۋ ءۇشىن جيناقتالعان جارنا 131,5 ملرد تەڭگەنى قۇرايدى. ماۋسىم ايىندا 5,6 ملرد تەڭگەدەن اسا جارنا ءتۇستى. ونىڭ 3,2 ملرد تەڭگەدەن استامى – جۇمىس بەرۋشىلەردىڭ, ال 2,4 ملرد تەڭگە – جەكە كاسىپكەرلەردىڭ اۋدارىمدارى.
ال 2022 جىلدىڭ قاڭتار-ماۋسىم ايلارى ارالىعىندا مەديتسينالىق ساقتاندىرۋ ءۇشىن ەلوردالىقتار 30,9 ملرد تەڭگە جارنا اۋدارعان. ونىڭ 17,2 ملرد تەڭگەگە جۋىعى – جۇمىس بەرۋشىلەردىڭ اۋدارىمدارى, ال 11,4 ملرد تەڭگە – جەكە كاسىپكەرلەردەن تۇسكەن جارنا. 2022 جىلدىڭ قاڭتار-ماۋسىم ايلارى ارالىعىندا 13 506 بىرىڭعاي جيىنتىق تولەم (بجت) تولەۋشىلەردەن تۇسكەن ءمامس جارنالارى 65,3 ملن تەڭگەگە جۋىق سومانى قۇرايدى, ال وسى جىلدىڭ ماۋسىم ايىندا 8 150 بجت تولەۋشىلەردەن 10,9 ملن تەڭگەگە جۋىق جارنا تۇسكەن.
«مىندەتتى الەۋمەتتىك مەديتسينالىق ساقتاندىرۋ ءۇشىن تۇسكەن بارلىق جارنا اۋدارىمدارى, ياعني جيناقتالعان قارجى, سەنىمگەرلىك باسقارۋ تۋرالى جاسالعان كەلىسىمشارتقا سايكەس, ۇلتتىق بانكتە ساقتالادى دا, مەديتسينالىق قىزمەتتەر اقىسىن تولەۋگە جۇمسالادى. تمككك جانە ءمامس پاكەتتەرى بويىنشا حالىققا كورسەتىلگەن مەديتسينالىق قىزمەتتەردىڭ ساپاسى مەن كولەمىنە مونيتورينگ جاساپ, تەكسەرگەننەن كەيىن عانا قور جەتكىزۋشىلەرىنە تولەم جۇرگىزىلەدى», دەدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
مەديتسينالىق ساقتاندىرۋ قورى پاتسيەنتتەر قۇقىعىن قورعايدى. قانداي دا ءبىر سۇراقتار تۋىنداعان جاعدايدا Qoldau 24/7 ءموبيلدى قوسىمشاسى, saqtandyrybot تەلەگرامبوتى, 1406 بايلانىس ورتالىعى, قوردىڭ fms.kz ساي̆تى ارقىلى قورعا حابارلاسۋعا بولادى. الەۋمەتتىك مەديتسينالىق ساقتاندىرۋ قورى ءوتىنىشىڭىزدى قاراپ, ءتيىستى شارالار قابىلدايدى.
