بۇگىندە 230 قادا بۇرعىلانىپ, بەتوندالدى. جول ايرىعىنىڭ قۇرىلىسى شامامەن 15 مىڭ ادامدى جۇمىسپەن قامتۋعا مۇمكىندىك بەرەدى.
سونىمەن قاتار قىزىلوردا وبلىسىنداعى كارلان ۋچاسكەسىندە كوپىر قۇرىلىسى ءجۇرىپ جاتىر. قازىرگى ۋاقىتتا 20 قادا بۇرعىلانىپ, بەتوندالعان. سونىمەن قاتار روستۆەرك قۇرىلىسى جۇرگىزىلىپ, كوپىردىڭ كىرەبەرىس جولدارىنا توپىراق توسەۋ جۇمىستارى قىزۋ ءجۇرىپ جاتىر. ءارى قاراي اسفالتتىڭ تومەنگى جانە جوعارعى قاباتتارى توسەلىپ, ۋچاسكە جول بەلگىلەرى تۋرالى اقپاراتپەن جابدىقتالادى.
سونداي-اق قازالى اۋدانىنداعى «ايتەكە بي – باسىقارا», جالاعاشتاعى «سامارا – شىمكەنت-ەڭبەك – ەسەت باتىر – جاڭاداريا» جانە جاڭاقورعان اۋداندارىنداعى «سامارا – شىمكەنت – ەكپىندى» اۆتوجولدارىنىڭ بويىنداعى كوپىرلەردى قايتا جاڭارتۋ جۇمىستارى جالعاسۋدا.
جۇمىس ساپاسى تاپپسىرىس بەرۋشى مەن تەحنيكالىق قاداعالاۋدىڭ جانە «جول اكتيۆتەرى ساپاسىنىڭ ۇلتتىق ورتالىعى» رمك-نىڭ تۇراقتى باقىلاۋىندا.
قىزىلوردا وبلىسىندا جىل سوڭىنا دەيىن 37 اۆتوجول جوباسى جۇزەگە اسىرىلماق. 2022 جىلى اۋداندىق ماڭىزى بار جولداردىڭ 122 كم جانە وبلىستىق ماڭىزى بار جولداردىڭ 85 شاقىرىمى جوندەۋ جۇمىستارىمەن قامتىلدى.
سونىمەن بىرگە 8 نىسان بويىنشا قۇرىلىس جانە رەكونسترۋكتسيا جۇمىستارى جۇرگىزىلۋدە.
