جانارماي باعاسى بۇرىن-سوڭدى بولماعان دەڭگەيگە كوتەرىلىپ, اۆياكومپانيالار ۇلكەن شىعىنعا باتۋدا. ەندى دەمالۋشىلار اۋە جولىنىڭ قۇنى قىمباتتايتىنىنا دايىن بولۋى كەرەك.
«ۇشۋ تۇتىنۋشىلار ءۇشىن قىمباتقا تۇسەتىنى ءسوزسىز, مۇنايدىڭ جوعارى باعاسى بيلەت باعاسىنىڭ قىمباتتاۋىنا سەبەپ بولدى», دەدى حالىقارالىق اۋە كولىگى قاۋىمداستىعىنىڭ (IATA) باس ديرەكتورى ۆيللي ۋولش.
مۇناي باعاسى كوروناۆيرۋس پاندەمياسىنان قالپىنا كەلە باستاعان ەلدەردە سۇرانىستىڭ ارتۋىنا بايلانىستى وسۋەدە.
سونىمەن قاتار اقش-تىڭ جانە ۇلىبريتانيا مەن ەو ەلدەرىنىڭ رەسەيلىك مۇناي يمپورتىن كەزەڭ-كەزەڭىمەن توقتاتۋ جوسپارلارى باسقا وندىرۋشىلەردەن مۇنايعا سۇرانىستىڭ ارتقانىن بىلدىرەدى, بۇل ءوز كەزەگىندە باعانىڭ وسۋىنە اكەلدى.
