«قاسيەتتى قۇربان ايت – مۇسىلمان جۇرتشىلىعىنىڭ ۇلىق مەرەكەسى. ايت ءسوزى ء«ال-عيدۋ» سوزiنەن شىعىپ, مەرەكە, مەيرام, قۋانىش دەگەن ماعىنالاردى بىلدىرەدى. قاسيەتتى «قۇربان ايت» كۇنى مۇسىلمان ادام ايت نامازىن وقىپ, قۇربان شالىپ, ايت مەرەكەسىمەن وزگەلەردى قۇتتىقتاپ, قايىرىمدى ىستەر اتقارۋعا تىرىسادى. بۇل كۇندەردى ۇلىقتاپ, ادامدارعا قۋانىشتى كوڭىل-كۇي سىيلاۋ – ىزگىلىك بەلگىلەرىنەن», دەپ باس ءمۇفتي ناۋرىزباي قاجى تاعان ۇلى ۇلىق مەيرامنىڭ ادەپتەرىنە جەكە-جەكە توقتالدى.
بۇدان كەيىن قمدب توراعاسى مەشىت اۋلاسىندا وتكىزىلىپ جاتقان اسىق اتۋ, ارقان تارتىس, قول كۇرەس جانە گىر تاسىن كوتەرۋ سىندى سپورت تۇرلەرىنىڭ كۋاسى بولدى.
سونداي-اق كيىز ۇيدە ارنايى جايىلعان داستارقاننان ءدام تاتىپ, كەلگەن قوناقتارعا باتاسىن بەردى.
«قۇربان ايت مەرەكەسىنە ارنايى ۇيىمداستىرىلاتىن سپورتتىق ءىس-شارانىڭ نەگىزگى ماقساتى – مەشىت جاماعاتى اراسىندا دەنە شىنىقتىرۋ مەن سپورتتى, سالاۋاتتى ءومىر سالتىن ناسيحاتتاۋ. سونىمەن قاتار يسلامنىڭ ءداستۇرلى ەمەس اعىمىنىڭ جەتەگىندە جۇرگەن جاندارعا اسىل ءدىننىڭ وڭ جولىن كورسەتۋ ارقىلى ولاردى باۋىرعا تارتۋ», دەپ اتاپ ءوتتى ۇيىمداستىرۋشىلار.
«قۇربان ايت» – مۇسىلمانداردىڭ ەڭ ماڭىزدى مەرەكەلەرىنىڭ ءبىرى, ول ورازا اياقتالعاننان كەيىن 70-كۇنى تويلانادى. بيىل قۇربان ايت شىلدەنىڭ 9-ى كۇنى باستالىپ, ءۇش كۇنگە جالعاسادى.
ءىس-شارا سوڭىندا ۇلىق مەرەكەنىڭ جەڭىمپازدارىنا العىس حات پەن ەستەلىك سىيلىقتار تابىستالدى.
