8 شىلدە كۇنى ساعات 13:50 كەزىندە 102 قىزمەتىنە تاراز قالاسىنداعى دارىحاناعا قاراما-قارسى بەتتە ەكى بەلگىسىز ەر ادام سپيرتتىك ىشىمدىك ءىشىپ وتىرعانى, ال ولاردىڭ جانىندا توبەلەسەتىن يت تۇمىلدىرىقسىز جۇرگەنى تۋرالى حابار ءتۇستى.
شاقىرۋ ورنىنا كەلگەن پوليتسيا قىزمەتكەرلەرى 1979 جانە 1986 جىلى تۋعان جەرگىلىكتى ەكى تۇرعىندى انىقتادى, ولارعا جولاي ءوتىپ بارا جاتقان ادامدار شاعىمدانعان.
43 جاستاعى ەر ادام «پيتبۋلتەرەر» تۇقىمدى ءيتىن تىنىشتاندىرۋ جانە وعان تۇمىلدىرىق كيگىزۋ تۋرالى پوليتسيا قىزمەتكەرىنىڭ تالابىنا جاۋاپ بەرمەدى.
يت بوسانىپ شىعىپ, اينالادا جۇرگەن ادامدارعا قاۋىپتى بولدى.
قايعىلى وقيعا ورىن الماس ءۇشىن تاراز قالاسىنىڭ پوليتسيا باسقارماسى پاترۋلدىك پوليتسيا باتالونىنىڭ ينسپەكتورى تابەلدىك قارۋدان وق اتقان.
زارداپ شەككەندەر جوق. يت ءتىرى جانە يەسىنىڭ ايەلىنە قايتارىلدى.
