7 شىلدەدە «قاراسورا-2022» رەسپۋبليكالىق جەدەل-الدىن الۋ ءىس-شاراسىن وتكىزۋ بارىسىندا جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى شۋ اۋدانى اۋماعىندا پيلوتسىز ۇشۋ اپپاراتىن پايدالاندى.
جەدەل-ىزدەستىرۋ ءىس-شارالارىن جۇرگىزۋ كەزىندە جابايى سورانى جيناپ جاتقان 41 جاستاعى جەرگىلىكتى تۇرعىندى ۇستادى. پوليتسيا قىزمەتكەرلەرى كۇدىكتىنىڭ ۇستالعان ورنىنا جاقىن ماڭداعى اۋماقتى تەكسەرۋ بارىسىندا ۋليا اتتى قىزمەتتىك ءيتتىڭ كومەگىمەن شابىلعان جابايى قاراسورانى تاۋىپ, تاركىلەدى.
ساراپتاما قورىتىندىسىنا سايكەس, ول جالپى سالماعى 517 كەلى «كەپتىرىلمەگەن ماريحۋانا» ەسىرتكى قۇرالى بولىپ شىقتى. «ۇستالعان ازامات كىناسىن تولىق مويىنداپ, شۋ قالاسىنىڭ ۋاقىتشا ۇستاۋ يزولياتورىنا قاماۋعا الىندى.
بۇل دەرەككە قاتىستى قىلمىستىق كودەكستىڭ 296-بابى 4-بولىگى بويىنشا سوتقا دەيىنگى تەرگەۋ امالدارى باستالدى. ەسىرتكى زاتتارىن وتكىزۋ ماقساتىندا جيناعانى دالەلدەنگەن جاعدايدا, كۇدىكتىگە مۇلكىن تاركىلەي وتىرىپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن», دەدى جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى اسقار جۇمابەكوۆ.
