پوليتسيا قىزمەتكەرلەرىنىڭ ۇيلەستىرىلگەن ءىس-قيمىلدارىنىڭ ارقاسىندا ەلورداعا كىرە بەرىستە, قاراعاندى – نۇر-سۇلتان تاس جولىندا 36 جاستاعى جۇرگىزۋشىنىڭ باسقارۋىمەن Toyota ەstima ماركالى اۆتوكولىك ۇستالدى. ونىڭ سالونىنان سالماعى 16 كەلىدەن اساتىن «گاشيش» تاركىلەندى.
«كولىكتىڭ ىشىندە قىلمىستىق توپتىڭ 23 جاستاعى ۇيىمداستىرۋشىسى مەن 20 جاستاعى سىبايلاسى بولعان. كۇدىكتىلەر بۇل زاتتى شۋ قالاسىنان اكەلىپ, ەلوردادا ساتپاق بولعان. ەسىرتكى قۇرالدارىنىڭ باعاسى «قارا نارىقتا» 16 ميلليون تەڭگە بولار ەدى. سونداي-اق ارنايى وپەراتسيا بارىسىندا پوليتسيا قىزمەتكەرلەرى تاس جولدا 27 جاستاعى جۇرگىزۋشىنىڭ باسقارۋىمەن Toyota Camry 50 ماركالى اۆتوكولىكتى توقتاتىپ, ودان دا جەكە ءتىنتۋ بارىسىندا «گاشيش» تاركىلەدى. جۇرگىزىلگەن وپەراتسيانىڭ ناتيجەسىندە زاڭسىز اينالىمنان 16 كەلىدەن استام «گاشيش» ەسىرتكى زاتى شىعارىلدى», دەدى نۇر-سۇلتان قالاسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى ەرلان اكباروۆ.
اتالعان فاكتى بويىنشا قك 297-بابى 2-بولىگىمەن «ەسىرتكى قۇرالدارىن, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» سوتقا دەيىنگى تەرگەۋ جۇرگىزىلۋدە.
ۇستالعاندار قاماۋدا, تەرگەۋ جۇرگىزىلۋدە. ەرلان اكباروۆتىڭ ايتۋىنشا, ەلورداعا ەسىرتكى قۇرالدارىن اكەلۋگە جاسالعان بارلىق ارەكەتتەردىڭ جولى قاتاڭ تۇردە كەسىلەتىن بولادى.
