ونلاين-وتىرىسقا فرانتسيا جانە ازەربايجان ءبىلىم مينيسترلىكتەرىنىڭ, چەحيا مەن قازاقستاننىڭ, سونداي-اق البانيانىڭ وكىلدەرى قاتىستى.
شىعۋشى تەڭ توراعالار وتكەن جارتىجىلدىقتا اتقارىلعان جۇمىس تۋرالى ەسەپ بەرىپ, بولون پروتسەسىندەگى تاجىريبەسىمەن ءبولىستى.
جيىن بارىسىندا قاتىسۋشىلار 2022 جىلدىڭ ەكىنشى جارتىجىلدىعىنا ارنالعان BFUG 2021-2024 جۇمىس جوسپارىنىڭ ءىس-شارالارىمەن تانىستى. قازاقستان ورتالىق ازيا ەلدەرى اراسىندا بولون پروتسەسى قاعيداتتارىن ىلگەرىلەتۋگە باعىتتالعان ءىس-شارالار جوسپارىن ۇسىندى. جوسپار جاڭا سىن-قاتەرلەر جاعدايىندا جوعارى ءبىلىم بەرۋدى دامىتۋدىڭ جاڭا ۇردىستەرىن ەنگىزۋدى, جوعارى وقۋ ورىندارىنىڭ اۆتونومياسىن كەڭەيتۋدى, يننوۆاتسيالىق جانە تسيفرلىق ەكوجۇيەنى قالىپتاستىرۋدى, سونداي-اق ورتالىق ازيا ءبىلىم حابىن قالىپتاستىرۋدى كوزدەيدى.
«قازاقستان وڭىردەگى جوعارى وقۋ ورىندارىنىڭ عىلىمي, زياتكەرلىك جانە شىعارماشىلىق الەۋەتىن بىرىكتىرۋ ءۇشىن جوعارى ءبىلىمنىڭ بىرىڭعاي ورتالىق ازيا كەڭىستىگىن قۇرۋعا كۇش-جىگەرىن جۇمىلدىرادى. بۇل جوعارى وقۋ ورىندارىنىڭ ستۋدەنتتەرى مەن پروفەسسورلىق-وقىتۋشىلىق قۇرامىنا ءبىلىم, تاجىريبە الماسۋعا جانە بىرلەسكەن زەرتتەۋلەرگە قاتىسۋعا مۇمكىندىك بەرەدى», دەدى قر عىلىم جانە جوعارى ءبىلىم ءمينيسترى ساياسات نۇربەك.
ايتا كەتسەك, 5 قازاندا ەلوردادا BFUG كەڭەسىنىڭ وتىرىسى وتەدى. اتالعان شارادا بولون پروتسەسىن دامىتۋدىڭ اعىمداعى ماسەلەلەرى تالقىلانىپ, قول جەتكىزىلگەن پروگرەسس باعالانادى.
