ونەر • 07 شىلدە، 2022

تولقىن شاشىپ شاپقان ات

23 رەت كورسەتىلدى

كوركەمونەردە ءاربىر دەتال ۇلكەن ماعىنامەن شەكتەسىپ جاتادى. كوكىرەككە تۇنعان كوركەم وي تازالىققا ىڭكارلىك تانىتقان شاقتان باستاپ، سالالى ساۋساققا سىڭگەن قۇدىرەتتى وياتادى. جانعا تىلسىم كۇش، ىستىق قايرات، بۇلا سەزىم قۇياتىن دارۋمەننىڭ ءتۇپباستاۋى سول. ىپ-ىستىق يىرىمىنە تارتىپ الا جونەلەر سىرشىل بوياۋلار جۇرەككە جول توسەگەن ساتتە باسقا كەڭىستىكتەن پانا ىزدەيسىز.

سۋرەتشى قاليلوللا احمەتجان شى­­عار­ماشىلىق ىزدەنىس جولىندا يمپرەس­سيو­نيزمنەن باستاپ، جاپوندىق گرافيكانىڭ تەحنيكاسىنا دەيىن سان الۋان باعىتتى قامتىدى. وزىنە ەرەكشە ۇناعانى ءحىح عاسىردا فرانتسيا ەلىندە قارقىندى دامىعان «پۋانتيليزم» ءستيلى. سول ستيلدە جازعان شىعارمالارى ءوزىنىڭ ەرەكشە سەزىمتالدىعىمەن، نازىك ءارى تازا مولدىرلىگىمەن وقىرماندى بىردەن باۋراپ الدى. بۇل ونىڭ «تولقىن شاشىپ شاپقان ات» تۋىندىسىندا كورىنىس تاپقان.

ءدال وسى تۋىندىلاردا سۋرەتشى تابي­عاتتىڭ باستاپقى سۇلۋلىعى مەن شى­نايىلىعىن ساقتاپ قالعانداي. قالامگەر شىعارماشىلىعىنىڭ باستى تاقىرىبىن ماڭگىلىك شابىت كوزىنە ارنايدى. سول الەمدە ءوزى ەركىن قالىپ دەمالادى، تىنىشتىقپەن جالعىز ۇندەسەدى، ارمانى جۇيرىكتەي الىسقا شابادى. ونىڭ بەينەلەگەن تابيعاتىنىڭ ءاربىر كورىنىسى، جازىق دالا، ورمان، تاۋ بوكتەرى، جۇيرىك تۇلپار بولسىن ەرەكشە ماحابباتقا تولى. قولدانعان تۇستەرىنىڭ قوسىندىسى ءبىر-بىرىمەن ۇيلەسىم تاۋىپ، تەپە-تەڭدىگىن ساقتاي كەلە، جارىق پەن كولەڭكەنىڭ ايىرماشىلىعىن وڭاي شەشەدى.

فورمانى ىزدەستىرۋ ناتيجەسىندە قىلقالام يەسى وزىنە عانا ءتان كەسكىن­دەمەلىك تەحنيكاسىن قۇراستىردى. سۋرەت­شىنىڭ نەگىزگى قىزىعۋشىلىعى، قوز­عاۋ­شى كۇشى مەن كەنەپتەرىنىڭ باستى وزگە­شەلىگى – ءتۇس پەن فورما. سول ارقىلى كوم­پوزي­تسياعا ەرەكشە جارىق بەرەدى.

نەگىزىنەن قىلقالام شەبەرىنىڭ بەينەلەۋ ستيليستيكاسى فرانتسۋز كەسكىندەمەسىن ەسكە تۇسىرەدى. دەسە دە ول باسقا جانرلارمەن قازاق ساندىك-قولدانبالى ونە­رىن بىرىكتىرۋ ارقىلى ورتاق كومپوزيتسيا جازا الدى. ولار نازىك گامما ارقىلى ەرەكشەلەنەدى. ءتۇس ارقىلى كەڭىس­تىك پەن جارىقتىڭ، بوياۋلاردىڭ قاي­تالانۋى شاشىراڭقى بولعانىمەن، شى­عارمادا بىرتۇتاستىلىق، ۇيلەسىمدىلىك جوعالمايدى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار