قۇجات اياسىندا سالاداعى نەگىزگى ۇعىمدار ايقىندالادى. اتاپ ايتقاندا, «پسيحولوگ», «پسيحولوگيالىق قىزمەت», «اقپاراتتاندىرىلعان كەلىسىم», «پسيحولوگيالىق كومەكتىڭ ساپاسى», «كاسىبي قۇپيالىلىق» سياقتى تۇسىنىكتەر ەنگىزىلەدى. ايتا كەتەرلىگى, بۇل زاڭ مەديتسينالىق قىزمەتتەرگە قاتىستى ەمەس, تەك پسيحولوگيالىق كومەك كورسەتۋ سالاسىن قامتيدى.
بالالاردىڭ پسيحولوگيالىق قاۋىپسىزدىگى: قازاقستاندا بىرىڭعاي تسيفرلى پلاتفورما قۇرىلادى
«زاڭ جوباسىنىڭ نەگىزگى ماقساتى – حالىقتىڭ ءومىر ءسۇرۋ ساپاسى مەن پسيحولوگيالىق جاعدايىن جاقسارتۋ. سونداي-اق زاڭدىلىق, ەرىكتىلىك, قۇپيالىلىق, كاسىبي قۇزىرەتتىلىك, عىلىمي نەگىزدىلىك جانە زيان كەلتىرۋگە جول بەرمەۋ قاعيداتتارى بەلگىلەنگەن. مەملەكەتتىك رەتتەۋ ماسەلەلەرىنە جەكە ءبولىم ارنالعان», دەلىنگەن حابارلامادا.
پسيحولوگيالىق قولداۋ ورتالىقتارىنا بىلتىر قانشا ادام جۇگىندى؟
زاڭ جوباسى ەڭبەك جانە حالىقتى الەۋمەتتىك قورعاۋ مينيسترلىگىنىڭ پسيحولوگتاردىڭ بىلىكتىلىگىن تانۋ جانە مەملەكەتتىك ءتىزىلىمدى جۇرگىزۋ جونىندەگى وكىلەتتىكتەرىن ايقىندايدى. قۇجاتتى تالقىلاۋ بارىسىندا دەپۋتاتتار اتالعان ءتىزىلىمدى ەلەكتروندىق فورماتتا جۇرگىزۋ ءتارتىبىن ناقتىلاپ, تىركەلۋگە جاتاتىن پسيحولوگتار ساناتتارىن بەلگىلەدى. سونىمەن قاتار مالىمەتتەردىڭ اشىقتىعى جانە ولاردى ۋاكىلەتتى ورگاننىڭ ينتەرنەت رەسۋرسىندا ورنالاستىرۋ كوزدەلگەن.
