قوعام • 07 شىلدە، 2022

ساۋدا راسىمدەرىن جەڭىلدەتەتىن پورتال

21 رەت كورسەتىلدى

قازاقستاندا بيزنەس ءۇشىن ساۋدا راسىمدەرىن جەڭىلدەتەتىن tradeinfo.kz اقپارات پورتالى جۇمىسىن باستادى. جاڭا ونلاين-پلاتفورما ترانسشەكارالىق ساۋدا راسىمدەرى تۋرالى اقپاراتتى ۇسىنىپ، ونى بيزنەس ءۇشىن قولجەتىمدى ەتەدى.

Ready4Trade-ورتالىق ازيا جوباسى قازاقستاننىڭ ساۋدا پورتالىن ىسكە قوستى. ونى ەۋروپالىق وداق (ەو) قارجىلاندىرىپ، حا­لىق­­ارالىق ساۋدا ورتالىعى (حسو) ىسكە اسىرادى. پورتال بار­لىق يمپورتتىق، ەكسپورتتىق جانە ترانزيتتىك شارتتىلىقتى، قاجەتتى قۇجاتتاردى، نىساندار مەن راسىم­دەر­دى ەگجەي-تەگجەي سيپاتتايدى. قازىر پورتالدا 50-دەن استام تاۋار­عا ارنالعان راسىمدەر سيپاتتالعان.

قازاقستاندا پلاتفورما­نى­ ساۋدا جانە ينتەگراتسيا مي­نيس­تر­لىگىمەن ىنتىماقتاستىقتا «QazTrade» ساۋ­دا ساياساتىن دامىتۋ ور­تالىعى» اق ازىرلەدى.

پورتالدى ىسكە قوسۋعا قازاق­ستان رەسپۋبليكاسى پرەمەر-ءمي­نيسترىنىڭ ورىنباسارى – قار­جى ءمينيسترى ەرۇلان جاماۋ­باەۆ، ەۋروپالىق وداقتىڭ قازاقستان رەسپۋبليكاسىنداعى ەل­شىسى ە.پ.كەستۋتيس يانكاۋسكاس، «QazTrade» ساۋدا ساياساتىن دامىتۋ ورتالىعى» اق باس ديرەكتورى ازامات اسقار­ ۇلى قاتىستى.

پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ جوبانى دايىنداۋ مەن ىسكە اسىرۋعا قوسقان ۇلەسى ءۇشىن ەو پەن حسو-عا العىسىن ءبىلدىرىپ، ساۋدا پورتالى قازاقستاندا عانا ەمەس، بۇكىل ورتالىق ازيا وڭى­رىن­دە تۇراقتى جانە جان-جاقتى ەكو­نو­ميكالىق دامۋعا ىقپال ەتەتىنىنە سەنىم ءبىلدىردى.

«ەندى قازاقستاننىڭ سىرتقى ەكونوميكالىق قىزمەتىنە قاتىسۋ­شىلار يمپورتتا، ەكسپورتتا جانە ترانزيتتە قولدانىلاتىن قا­عيدالار مەن راسىمدەرگە قول جەت­كىزە الادى. ءبىز ءۇشىن ساۋدا پورتالى وتاندىق بيزنەستەن كەرى باي­لانىس الۋ قۇرالىنا اينالادى. وسى باعىتتاعى جۇمىس بيزنەس قاۋىمداستىقتارمەن جانە ۋاكىلەتتى ورگاندارمەن بەلسەندى تۇردە پىسىقتالاتىن بولادى»، دەدى ۆيتسە-پرەمەر.

ءوز كەزەگىندە ەو-نىڭ قازاقستان رەسپۋبليكاسىنداعى ەلشىسى كەستۋتيس يانكاۋسكاس مىرزا پورتالدى ازىرلەۋگە قاتىسقان بارلىق تاراپتارعا، اسىرەسە ساۋدا جانە ينتەگراتسيا مينيسترلىگى مەن QazTrade كومپانياسىنا العىسىن ءبىلدىردى. ول سونداي-اق ساۋدا پورتالى مەن­ ساۋدا راسىمدەرىن جەڭىلدەتۋ جو­نىندەگى باستامالاردىڭ بۇگىنگى جاھاندىق سىن-قاتەرلەرگە ناق­تى جاۋاپ ەكەنىن اتاپ ءوتتى. قورى­تىن­دىلاي كەلە، ەلشى ەو-نىڭ قازاقستانمەن جانە ونىڭ بارلىق قاتىسۋشىلارىمەن بىرگە تۇراقتى ەكونوميكالىق دامۋعا جاردەمدەسۋ جانە دامۋ سالاسىنداعى بارلىق باسقا ماقساتتارعا قول جەتكىزۋ ىسىنە بەيىلدىلىگى تۋرالى مالىمدەدى.

«QazTrade» اق باس ديرەكتورى ازامات اسقار ۇلى پورتالدى ىسكە قوسۋ ارقىلى كاسىپكەرلەردىڭ بارلىق نىساندار مەن قۇجاتتاردى قوسا العاندا، يمپورت پەن ەكسپورتتا قولدانىلاتىن قاعيدالار مەن راسىمدەر بويىنشا تولىق جانە ناقتى اقپاراتقا قول جەتكىزە الاتىنىن اتاپ ءوتتى.

«2020 جىلدىڭ تامىز ايىنان باستاپ QazTrade – Ready4Trade-ورتالىق ازيا جوباسىنىڭ ينستي­تۋ­تسيونالدىق سەرىكتەسى. تەڭىز كو­لى­گىمەن تاسىمالداۋدى ۇلعايتۋعا قىزىعۋشىلىقتى ارتتىرۋدىڭ جانە كاسپي تەڭىزىندەگى پورتتاردىڭ الەۋەتىن كەڭەيتۋدىڭ وزەكتىلىگىن ەسكەرە وتىرىپ، العاش رەت تەڭىز پورتتارىنىڭ يمپورتتىق جانە ەكسپورتتىق وپەراتسيالارىنىڭ بيزنەس-پروتسەستەرىن كەزەڭ-كەزەڭى­مەن قۇجاتتاۋ جۇرگىزىلدى. مەن ساۋ­دا پورتالى بارلىق ساۋدا راسىم­دە­رى بويىنشا گيد بولاتىنىنا سەنىمدىمىن»، دەپ تۇيىندەدى QazTrade باس ديرەكتورى ازامات اسقار ۇلى.

قازاقستاننىڭ ساۋدا پورتالى – حالىقارالىق ساۋدا ورتالىعى ىسكە اسىراتىن جانە ەۋروپالىق وداق قار­جىلاندىراتىن Ready4Trade Central Asia جوباسىنىڭ قۇرامداس بولىكتەرىنىڭ ءبىرى. وسىعان ۇقساس پورتالدار الەمنىڭ 30 ەلىندە ىسكە اسىرىلعان. ورتالىق ازيادا ۇقساس پورتالدار تاجىكستان مەن قىرعىزستاندا بار. ساۋدا پورتالدارىن ىسكە قوسۋدى وزبەكستان مەن تۇرىكمەنستان جوسپارلاپ وتىر.

ساۋدا پورتالى – بۇل باقىلاۋ ورگاندارىنىڭ كوممەرتسيالىق شارتتىلىق تۋرالى اقپاراتىن شوعىرلاندىراتىن بيزنەستىڭ انىقتامالىق قۇرالى عانا ەمەس، سونىمەن قاتار ساۋدا پروتسەدۋرالارىن جەڭىلدەتۋدىڭ بىرقاتار ارتىقشىلىعىن ۇسىنادى. اتاپ ايتقاندا، پورتال بيزنەسمەندەر تاپ بولاتىن كوممەرتسيالىق شارتتىلىقتىڭ كۇردەلىلىگىن انىقتاۋعا جانە مولشەرلەۋگە، ارتىق جانە قاجەتسىز كىدىرتۋلەر تۋدىراتىن راسىمدەر مەن تالاپتاردى ايقىنداۋعا، ترانسشەكارالىق وپەراتسيالاردى وڭتايلاندىرۋ جانە قىسقارتۋ بويىنشا ماقساتتاردى بەلگىلەۋگە جانە ساۋدا راسىمدەرىن جەتىلدىرۋگە باعىتتالعان بيزنەس ءۇشىن رەفورمالاردىڭ اسەر ەتۋ تيىمدىلىگىن ولشەۋگە مۇمكىندىك بەرەدى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار