وقيعا • 07 شىلدە، 2022

تەڭىز كەنىشىندەگى جارىلىستان زارداپ شەككەن جۇمىسشىنىڭ جاعدايى اۋىر

15 رەت كورسەتىلدى

تەڭىز كەنىشىندە بولعان جارىلىستان ەكى جۇمىسشى قايتىس بولىپ، ءۇش ادام جاراقات العان ەدى. قازىر ءبىر جۇمىسشى اۋرۋحانانىڭ جانساقتاۋ بولىمىندە جاتىر. ونىڭ جاعدايى اۋىر، دەپ حابارلايدى Egemen.kz.

«كەن ورنىنداعى جارىلىستان ەكى ادام قازا تاپتى. ءبىرى وقيعا ورنىندا، ەكىنشىسى «تەڭىزشەۆرويل» جشس-ءنىڭ مەديتسينالىق كلينيكاسىندا كوز جۇمدى. جاراقات العانداردىڭ ءبىرى – 1996 جىلعى جىگىت ەكى ساعاتتىڭ ىشىندە جەدەل وبلىستىق اۋرۋحاناعا جەتكىزىلدى. ونىڭ ىشكى اعزاسى زاقىمدانعان. دارىگەرلەر ناۋقاستىڭ باۋىرى مەن بۇيرەگىنە تىگۋ ارقىلى قالپىنا كەلتىرۋ وتاسىن جۇرگىزدى. سونداي-اق ناۋقاستىڭ ءوت جولى ۇزىلگەنى بەلگىلى بولدى. ومىرتقاسى مەن بىرنەشە قابىرعاسى سىنعان. قازىر ناۋقاستىڭ جاعدايى اۋىر. دارىگەرلەر ناۋقاستىڭ جاعدايىن ۇنەمى باقىلاۋدا ۇستاپ وتىر»، دەدى وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆ.

ونىڭ ايتۋىنا قاراعاندا، جاراقات العاننىڭ ەكىنشىسى – 1998 جىلعى جۇمىسشى. وعان العاشقى پسيحولوگيالىق كومەك كورسەتىلگەن. قازىر زارداپ شەككەن جۇمىسشى ەسىن جيىپ، ءوز-وزىنە كەلە باستاعان. ال، زارداپ شەككەن ءۇشىنشى جۇمىسشى جىلىوي اۋداندىق ورتالىق اۋرۋحاناسىنا جەتكىزىلگەن. ول ءوزىنىڭ قولحاتىمەن ۇيىنە جىبەرىلگەن.

«زارداپ شەككەن جۇمىسشى كومپيۋتەرلىك توموگرافياعا، رەنتگەنگە ءتۇسىرىلدى. ونىڭ ازداعان جاراقاتى بولعان. قازىر جاعدايى قاناعاتتانارلىق دەپ باعالانىپ وتىر»، دەپ ءمالىم ەتتى اسحان بايدۋاليەۆ.

ەسكە سالا كەتەيىك، 6 شىلدەدە جەرگىلىكتى ۋاقىتپەن ساعات 09:55 شاماسىندا تەڭىز كەن ورنىندا جارىلىس بولدى. كەن ورنىنداعى اتموسفەرالىق گازى بار قۇبىردا گيدروتەست جۇرگىزىلىپ، قىسىمعا توتەپ بەرە الماعان قۇبىر جارىلىپ كەتكەن.

جارىلىستىڭ سالدارىنان ەكى جۇمىسشى كوز جۇمدى. ال، ءۇش ادام ءارتۇرلى دەنە جاراقاتىن الدى. ولاردىڭ ەكەۋى اۋرۋحاناعا جەتكىزىلگەن بولاتىن.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار