6 شىلدەدە العا اۋدانى قارابۇلاق كەنتىنەن 3 شاقىرىم جەردە 53 جاستاعى شارۋا قوجالىعىنىڭ باسشىسى مەملەكەتتىك تىركەۋ ءنومىرىنسىز BAIGE موتوتسيكلىن باسقارۋ كەزىندە ءرولدى يگەرە الماي, قىرعا قاراي اۋدارىلىپ كەتكەن.
جول-كولىك وقيعاسى سالدارىنان موتوتسيكل جۇرگىزۋشىسى العا اۋدانى اۋرۋحاناسىنىڭ جانساقتاۋ بولىمىنە جاتقىزىلدى, كەيىن العان جاراقاتىنان اۋرۋحانادا كوز جۇمدى.
وسىنداي جاعداي تەمىر اۋدانىندا دا ورىن الدى. 6 شىلدە كۇنى 49 جاستاعى ەر ادام مەملەكەتتىك تىركەۋ ءنومىرىنسىز RACER موتوتسيكلىمەن كەلە جاتىپ, ءرولدى باسقارا الماي, اۋدارىلىپ كەتكەن. جول-كولىك وقيعاسى سالدارىنان موتوتسيكل جۇرگىزۋشىسى العان جاراقاتىنان وقيعا ورنىندا كوز جۇمدى.
ەكى جاعدايدا دا موتوكولىك جۇرگىزۋشىلەرىنىڭ كولىك قۇرالدارىن باسقارۋ قۇقىعىنان ايىرىلعانى بەلگىلى بولدى.
ايانا توعانبەك
