حالقىنىڭ سانى ميلليوننان اسقان مەگاپوليس وسىلايشا 5 ايماققا ءبولىنىپ وتىر. جاڭادان قۇرىلاتىن اۋداننىڭ اۋماعى 36 مىڭ گەكتاردى قۇراسا, ونداعى تۇرعىندار سانى شامامەن 200 مىڭنان اسادى. ال, ازىرگە جاڭا اۋدانعا قانداي اتاۋ بەرىلەتىنى بەلگىسىز. بۇل ماسەلە قولدانىستاعى زاڭدىلىقتارعا سايكەس الداعى سەسسيادا رەسپۋبليكالىق ونوماستيكا كوميسسياسىنىڭ قاراۋىنا ۇسىنىلادى. بۇگىنگى كۇنگە دەيىن شىمكەنت قالاسىنىڭ اۋماعىندا قاراتاۋ, ەڭبەكشى, ءال-فارابي, اباي اۋداندارى اكىمدىكتەرى بولعان.
«بەسىنشى اۋداندى قۇرۋ قالانى باسقارۋدى جەتىلدىرىپ, مەملەكەتتىك قىزمەت كورسەتۋدىڭ ساپاسىن ارتتىرۋعا سەپتىگىن تيگىزەدى», دەدى اكىمدىكتەگىلەر.
ايتا كەتەيىك, شىمكەنت قالاسىنىڭ باس جوسپارىنا لرت جانە برت قۇرىلىسى ەنگىزىلىپ وتىر. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە شىمكەنت قالاسىنىڭ اكىمى مۇرات ايتەنوۆ ايتتى.
ايانا توعانبەك
