ء«بىزدىڭ ورتالىقتىڭ باستى ماقساتى – ەمتيحاندى ادال وتكىزۋ. اكادەميالىق ادالدىق – قازىرگى تاڭدا قوعامداعى ەڭ وزەكتى ماسەلەنىڭ ءبىرى. 2019 جىلى تەستكە كىرگەندەردەن 128 مىڭ تىيىم سالىنعان زات الىنسا, بيىل 400 ەسە ازايىپ وتىر. بۇل اشىقتىقتىڭ ناتيجەسى دەپ ويلايمىن», دەدى رۋسلان ەمەلباەۆ.
سونداي-اق ول بيىلعى تەستىلەۋ سۇراقتارىنىڭ ساپاسىنا كوپ كوڭىل بولىنگەنىن جەتكىزدى.
«ۇبت ناتيجەسى بويىنشا ەڭ كوپ سىن مەن داۋعا قالاتىن ءپان - قازاقستان تاريحى ەدى. قازىرگى سۇراقتار جاتتاۋدان گورى فۋنكتسيونالدىق ساۋاتقا بەيىمدەلىگەن. ال جازباشا ەمتيحان جۇيەسىنە كوشۋ ماسەلەسى مەنىڭ قۇزىرەتىمە كىرمەيدى. ءبىزدىڭ مىندەت – قازىرگى ۇبت-نىڭ اشىق ءارى ادال ءوتۋىن, ونداعى سۇراقتاردىڭ ساپالى بولۋىن قامتاماسىز ەتۋ», دەدى ۇلتتىق تەستىلەۋ ورتالىعىنىڭ ديرەكتورى.
