شقو پوليتسەيلەرى وبلىس پروكۋراتۋراسىمەن ءوزارا ءىس-قيمىل جۇرگىزىپ, قر ءىىم ارنايى بولىمشەلەرىنىڭ قاتىسۋىمەن ەسىرتكى زاتتارىنىڭ زاڭسىز اينالىمىنىڭ جولىن كەسۋگە باعىتتالعان ارنايى ءىس-شارالار كەشەنىن وتكىزدى. ناتيجەسىندە, الەۋمەتتىك جەلىلەر مەن ينتەرنەتكە جۇرگىزىلگەن مونيتورينگ ناتيجەسىندە سينتەتيكالىق زاتتاردىڭ تارالۋىنا قاتىسى بار سايتتار انىقتالدى.
ماسەلەن, وسكەمەن قالاسىندا سينتەتيكالىق ەسىرتكىنىڭ تاسىمالىمەن اينالىسقان 10-نان استام ادامنان تۇراتىن توپ انىقتالدى.
شقو پد باستىعىنىڭ ورىنباسارى پوليتسيا پولكوۆنيگى تالعات شاياحمەتوۆ اتاپ وتكەندەي, قاجەتتى دالەلدەر بازاسىن جيناۋعا جانە كۇدىكتىلەردى ۇستاۋعا بىرنەشە اپتا قاجەت بولدى. ۇستالعاندار تۋرالى اقپارات قىلمىستىق تىزبەكتىڭ باسقا قاتىسۋشىلارىنا جەتپەۋى ءۇشىن كۇدىكتىلەردىڭ ارقايسىسى بولەك ۇستالدى. ولاردان سينتەتيكالىق ەسىرتكىنىڭ 220-دان استام ءبىر رەتتىك دوزاسى جانە «ەكستازي» دەپ اتالاتىن 80 تابلەتكا تاركىلەندى.
ولاردىڭ ارەكەتى قر قك 297-بابىنىڭ 3-بولىگى بويىنشا سارالانادى. اتالعان باپتىڭ سانكتسياسىندا 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
