استانا پوليتسەيلەرى 27 ماۋسىم مەن 4 شىلدە ارالىعىندا قالاداعى قۇرىلىس نىساندارىن, قوناقۇيلەر, جاتاقحانالار, ادامدار كوپ جينالاتىن ورىندار مەن شەتەل ازاماتتارى زاڭسىز بولۋى مۇمكىن جەرلەردى تەكسەرىپ شىقتى.
مۇنداعى ماقسات – ەلىمىزدەگى كوشى-قون تۇراقتىلىعىن ساقتاپ, زاڭسىز كوشى-قوننىڭ كريمينوگەندىك جاعدايعا تەرىس اسەرىنىڭ الدىن الۋ.
«جەدەل-الدىن الۋ ءىس-شاراسى بارىسىندا قازاقستاندا بولۋ ەرەجەسىن بۇزعانى ءۇشىن 1358 شەتەل ازاماتى اكىمشىلىك جاۋاپكەرشىلىككە تارتىلدى. 98 شەتەل ازاماتى ەلدەن شىعارىلدى. سونىڭ ىشىندە 8 شەتەلدىكتى سوتتىڭ شەشىمىمەن ەلدەن شىعارۋعا تۋرا كەلدى. سونداي-اق, كوشى-قون زاڭناماسىن بۇزعانى ءۇشىن قازاقستان رەسپۋبليكاسىنىڭ 340 ازاماتى اكىمشىلىك جاۋاپكەرشىلىككە تارتىلدى. ونىڭ ىشىندە 275 ازامات شاقىرىلعان شەتەلدىكتەردىڭ بەلگىلەنگەن كەلۋ قاعيدالارىن بۇزعان, ال 65 ادام شەتەلدىك جۇمىس كۇشىن تارتۋ قاعيدالارىن بۇزعانى جانە شەتەلدىكتىڭ ەڭبەك قىزمەتىن زاڭسىز جۇزەگە اسىرعانى ءۇشىن جاۋاپكەرشىلىككە تارتىلدى», دەلىنگەن ەلوردانىڭ پوليتسيا دەپارتامەنتى تاراتقان حابارلامادا.
جەدەل-الدىن الۋ ءىس-شارالارىنىڭ ناتيجەسى كورسەتىپ وتىرعانداي شەتەل ازاماتتارى قازاقستان رەسپۋبليكاسىنا كەلۋ, ەلدە بولۋ جانە ەلدەن كەتۋ ءتارتىبى ەرەجەلەرىن ءجيى بۇزادى.
