قوعام • 06 شىلدە، 2022

ۇتقانىمىز شامالى بولىپ تۇر

67 رەت كورسەتىلدى

جاسىم 82-دە. ايتايىن دەگەنىم،  وڭتۇستىك ايماقتاردا مۇحاممەد (س.ع.س) ايتقان «ساۋاپتىڭ ەڭ ۇلكەنى مەشىت، مەدرەسە سالعان» دەپ مەشىت پەن مەدرەسە قۇرىلىسىن اياقتاۋ ءۇشىن اقشا سۇراعان، دەمەۋشىلىك وتىنگەن سۇرامپازدار كوبەيىپ كەتتى.

ال قولداۋ جوقتىڭ قاسى. نارازىلار كوپ. تاۋەلسىزدىك العان 30 جىلدا بىرنەشە مىڭداعان مەشىت پەن ونداعان مەدرەسە سالىندى. ناتيجەسى قانداي؟  نە ۇتتىق؟ ۇرپاق تاربيەسىندە ىلگەرىلەۋ بار ما؟ قىز اناسىمەن، كەلىن ەنەسىمەن، ۇل اكەسىمەن تاتۋ ما؟ نەكە تۇراقتىلىعى نىعايدى ما؟ ناشاقورلار ازايدى ما؟ وزىنە-ءوزى قول سالۋ توقتادى ما؟ ۇرلاۋ، جىمقىرۋ، سىبايلاستىق ازايدى ما؟ ءبىر-ءبىرىمىزدى  الداۋىمىز كەمىدى مە؟ وكىنىشكە قاراي، جوق دەمەسكە لاجىمىز جوق. ۋاحابيستەر مەن سالافيتتەردىڭ كوبەيگەنى دە بەلگىلى.

قاي ءسوزدى كوبىرەك ايتساڭ، سونىڭ قادىرى كەتەدى دەگەن بار. «اللاعا اۋىز جول ەمەستى» ايتقان اباي. ءار اپتا سايىن «قاسيەتتى جۇما» دەي بەرگەننەن جۇمانىڭ قاسيەتى ارتا ما؟ حالال دەگەن ءسوزدى قوسپاعان جەرىمىز قالمادى. ادالدىق جولىندامىز با؟ بىرەۋلەر ءسوزىن، ءوزىن، زاتىن، قىزمەتىن وتكىزۋ ءۇشىن ورازاسىن، مۇسىلماندىعىن، قاجىعا بارىپ كەلگەنىن العا تارتادى. قىزىلوردا وبلىستىق ەكولوگيا دەپارتامەنتىنىڭ ماڭدايشاسىنا «ادالدىق الاڭى» دەپ جازىپ قويىپتى. بۇل مەكەمە، شىن مانىندە، سونداي ما؟..

بىزدەگى مەشىتتەر مەن مەدرەسەلەردىڭ پايداسى سول، مىڭداعان يمام مەن مولدا جۇمىسپەن قامتىلىپ وتىر. جانازادا، قۇدايى ساداقادا يمامدار دۇرىس ۋاعىز ايتا المايدى. ەڭبەك ەت، كاسىپ قىل دەمەيدى. ەڭبەكتى ناسيحاتتايتىن بىردە-ءبىر ءتالىمدى اڭگىمە ايتقاندارىن ەستىمەدىم. ولار قۇدايمەن، ولىممەن قورقىتادى.

مەشىتكە بارىپ ناماز وقۋىن ەشۋاقىتتا قازا ەتپەيتىندەر قاتا­رىندا وتباسىندا بىرنەشە بالاسى بولسا دا، ەش جەردە جۇمىس ىستە­مەي­تىندەر، بىرەۋدىڭ اقشاسىن قارىزعا دەپ الىپ، بىرنەشە جىلداپ قايتارماي جۇرگەندەر بار... ايتا بەرسە، اڭگىمە كوپ. قوعامدىق دامۋ باسقارمالارى مەشىتتەرمەن، يمامدارمەن جۇمىس ىستەۋ باعدار­لاما­لارىن وزگەرتۋلەرى كەرەك.

جاڭا قازاقستان قۇرۋداعى ءبىر باعدارلاما وسى ايتىلعاندارعا قاتىستى بولۋى قاجەت دەگەن ويدامىن.

 

ساپەن اڭسات،

ەڭبەك ارداگەرى

 

قىزىلوردا

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار