ايماقتار • 05 شىلدە، 2022

جالعان شوت-فاكتۋرا جارعا جىقتى...

21 رەت كورسەتىلدى

سوڭعى ۋاقىتتا پاۆلودار وبلىسىندا تىركەلگەن الاياقتىق فاكتىلەردىڭ سيۋجەتى كريمينالدى فيلمدەردەن كەم ەمەس. ەكىباستۇزدا پوليتسيا فورماسىن كيىپ، تۇرعىنداردىڭ ۇيالى تەلەفونىن تەكسەرۋ كەزىندە ونلاين نەسيە رەسىمدەگەن پىسىقايلار ۇستالعان ەدى. جاقىندا جالعان شوت-فاكتۋرالار جاساۋمەن اينالىسقان ەكى ايلاكەر قۇرىقتالدى.

قارجىلىق مونيتورينگ اگەنت­تىگىنىڭ پاۆلودار وبلىسى بويىن­­شا دەپارتامەنتىنىڭ قىزمەتكەر­لەرى شوت-فاكتۋرالاردى زاڭسىز جازىپ بەرۋ فاكتىلەرىنىڭ جولىن كەسىپ، تەرگەۋ بارىسىندا ۆ.لەگين جانە س.رىجاكوۆ ەسىمدى ازاماتتار­دىڭ جال­عان تۇلعالارعا رەسىمدەلگەن 13 كوم­پانيا قۇرعانىن انىق­تا­دى. ولار ماتەريالدىق پايدا تابۋ ماقساتىن­دا 2019 جىلدان باستاپ 2021 جىلعا دەيىنگى كەزەڭ­دە كومپانيالاردىڭ اتىنان بىر­قا­تار زاڭدى تۇلعاعا جالپى سوماسى 6،5 ملرد تەڭگەگە جالعان شوت-فاكتۋرالار جازىپ بەر­گەن. پىسى­قايلاردىڭ قىلمىستىق ارە­­­­كەتتەرىنىڭ سالدارىنان مەم­لە­كەت­كە تولەنبەگەن سالىق تۇرىندە 2 ملرد تەڭگەدەن استام سوماعا زالال كەلگەن.

سوت ەكەۋىن دە كىنالى دەپ تا­ۋىپ، 2 جىل 9 ايعا باس بوستان­دىق­تارىنان ايىرىپ، لەگيننەن 13 ملن تەڭگەدەن استام اقشا تاركىلەۋ تۋرالى ۇكىم شىعاردى.

الاياقتاردان كوبىنە زەينەت­كەر­لەر زارداپ شەگىپ جاتادى. ماسەلەن، بىلتىر مىناداي «قى­زىق» قىلمىس تىركەلگەن ەدى. پاۆ­لو­دارلىق تۇرعىن كورشى زەينەت­كەردىڭ اتىنان 2 ملن تەڭگەگە iPhone ۇيالى تەلەفون الۋعا نەسيە رەسىم­دەگەن. جەدەل ىزدەستىرۋ شارالارىن جۇرگىزۋ بارىسىندا لەنين كەنتىنىڭ 22 جاستاعى تۇرعىنى ۇستالدى. وبلىستىق پوليتسيا دە­پار­تامەنتى ءباسپاسوز قىزمەتىنىڭ مالى­مەتىنشە، 63 جاستاعى زەينەتكەر ءوزىنىڭ اتىنا ونلاين نەسيەنى زاڭسىز رەسىمدەۋ تۋرالى وتىنىشپەن پوليتسياعا جۇگىنگەن. تەرگەۋ بارىسىندا جاس جىگىت اڭگىمەلەسىپ تۇرعان كەزدە ايەلدەن ونىڭ جەكە كۋالىگىن سۇراپ، ۇيالى تەلەفو­نىنا سۋرەتكە تۇسىرگەن. سونداي-اق ونلاين-بانكتەردەگى نە­سيەنى رەسىمدەۋ كەزىندەگى تالاپقا ساي­كەس تۇتىنۋشىنىڭ بەت الپەتىن دە ءتۇسىرىپ، گادجەتىنە ساقتاپ العان. سودان كەيىن اقپاراتتاردى پايدالانا وتىرىپ، زەينەتكەردىڭ اتىنا ونلاين دۇكەندەردىڭ بىرىندە iPhone 12 PRO Max 2 ۇيالى تەلەفونىن ساتىپ الۋعا ونلاين نەسيە رەسىمدەگەن. شىعىن شامامەن ەكى ميلليون تەڭگەنى قۇرادى.

ەلىمىزدەگى كەيبىر شاعىن نەسيە ۇيىمدارىنان قارىزعا اقشا الۋ ءۇشىن ول جەرگە بارۋدىڭ قا­جەتى جوق. كەيدە مەنەدجەرگە WhatsApp ارقىلى جەكە كۋالىكتىڭ فوتوسىن جىبەرۋ جەتكىلىكتى. بۇل ءسىز­دىڭ قۇجاتىڭىز با نەمەسە باسقا بىرەۋدىڭ قۇجاتى ما ەكە­نى ماڭىزدى ەمەس، اقشا نەمەسە تا­ۋار سىزگە ءبارىبىر بەرىلەدى. قۇ­قىق قورعاۋ ورگاندارى وسىنداي كەلەڭ­سىزدىكتەردى بولدىرماۋ ءۇشىن جەكە كۋالىكتى، تولقۇجاتتى، بانك كارتالارىن بوتەن ازاماتتار­دىڭ قولى جەتپەيتىن جەرلەردە ساقتاۋعا كەڭەس بەرەدى. بەلگىسىز تۇل­عالارعا دەربەس دەرەكتەردى بەر­مەۋ، تاۋارلارعا نەمەسە قىزمەت­تەرگە تەلەفون ارقىلى تاپسىرىس بەرۋ كەزىندە دسن-كودتى، سمس-كودتاردى بەرمەۋدى ەسكە سالادى. بوتەن دەيمىز-اۋ، كەيدە جاقىن تۋىستىڭ ءوزى اككى ارەكەتىن جۇزەگە اسىرىپ، نەسيە رەسىمدەگەن وقيعالاردى تالاي ەستىدىك. نە دەسەك تە، بارىنشا ساق بولىڭىز!

 

پاۆلودار وبلىسى

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار