مەديتسينا • 05 شىلدە، 2022

قىمبات وپەراتسيانى تەگىن جاسادى

50 رەت كورسەتىلدى

ەلوردادا اكادەميك ن.ج.باتپەنوۆ اتىنداعى ۇلتتىق عىلىمي تراۆموتولوگيا جانە ورتوپەديا ورتالىعىنىڭ دارىگەرلەرى 64 جاستاعى ناۋقاستىڭ تىزە بۋىندارىنا ەندوپروتەز ورناتىپ، 20 جىلدان بەرى مازالاعان سىرقاتىنان قۇتقاردى. قۇنى شامامەن ءبىر ميلليون تەڭگەدەن اساتىن بۇل وپەراتسيا پاتسيەنتكە ءمامس جۇيەسىندە تەگىن جاسالدى.

«الەۋمەتتىك مەديتسينالىق ساق­تاندىرۋ قورى» كەاق نۇر-سۇلتان قالاسى بويىنشا فيليالى ءباسپاسوز قىزمەتىنىڭ حابارلاۋىنشا، شىعىس قازاقستان وبلىسى جارما اۋدانى اۋەزوۆ اۋىلىنىڭ 64 جاستاعى تۇرعىنى ك ۇلىمحان قوناەۆانىڭ تىزە بۋىنى سىرقاتتانعانىنا 20 جىل بولدى. ول كەزدە جاس، كۇش-قۋاتى مول بولعان سوڭ اۋرۋعا كوپ ءمان بەر­مەگەن. ءۇي شارۋاشىلىعىمەن، باۋ-باقشامەن اينالىسىپ، تىنىم تاپپايتىن.

«مەن ءبىر ورىندا وتىرمايتىنمىن، ۇنەمى قوزعالىستا بولدىم. تىزەدەگى اۋىرسىنۋ ءبىر كۇشەيىپ، ءبىر باسىلاتىن. سوندىقتان بولار، دارىگەرگە بارۋعا اسىقپادىم. جىل­دار وتە تىزەم كوبىرەك اۋىرا باس­تادى، سوڭعى 5-6 جىلدا سول جاق تىزەم ءتىپتى بۇگىلمەي قالدى. 2018 جىلى دارىگەرلەر وتا جاساۋ قا­جەت ەكەنىن ايتىپ، پورتالعا قوي­دى. بىراق ويلانىپ-ويلانىپ، جۇرەك­سىنىپ ءجۇردىم. قازاقشا ايت­قاندا «پىشاققا تۇسۋگە» قاتتى قورىق­تىم جانە سوڭعى ساتتە وتادان باس تارتتىم»، دەپ ەسىنە الادى ناۋقاس.

جۇرە كەلە اياقتىڭ، تىزەنىڭ اۋىرۋى جانعا باتا باستادى. كۇلiمحان قۇرمانعاليقىزىنا تاياقپەن جۇرۋ­گە تۋرا كەلدi، ال كولiكپەن ءجۇرۋ ول ءۇشiن ءتىپتى ۇلكەن سىناققا اينالدى.

«اياعىم قاقساپ، جانعا باتىپ، مازا بەرمەدى. ءبىر ورىندا تۇرىپ، ۇزاق جۇرە المادىم، وتىرعان جەرىم­نەن تۇرۋ قيىن بولدى. ونىڭ ۇستىنە، 93 كيلو سالماعىم بار، قوزعالۋىم ءتىپتى كۇردەلەنە ءتۇستى. مەنىڭ بۇل جاعدايىمدى كور­گەن بالالارىم وتا جاساتۋعا كون­دىردى. ولاردىڭ بارلىعى ەلوردادا تۇرادى. مۇندا ءمامس بويىن­شا تىزەگە تەگىن وتا جاسايتىن عىلى­مي ورتالىق بارىن ايتتى. ەندى، مىنە، جارتى جىلدان كەيىن مەن وسى كەرەمەت دارىگەرلەردىڭ قولى­نا ءتۇستىم. وپەراتسياعا كەلىسىم بەر­گەنى­مە وكىنبەيمىن، بۇرىن كومەك سۇرا­ماعانىما، سونشا جىل قينال­عانىما وكىنەمىن»، دەدى ناۋقاس.

№7 ورتوپەديا بولىمشەسىنىڭ ەمدەۋ­شى دارىگەرى جاندوس قالەلوۆ­تىڭ ايتۋىن­شا، ناۋقاستا 3 دارەجەلى ەكىجاقتى دەفور­ماتسيالىق گونارتروز بولعان.

«بۇل اۋرۋ كەزىندە جىلىنشىك پەن سان سۇيەگىنىڭ ءبىر بولىگىن جاباتىن شەمىرشەك تىندەرى زارداپ شەگەدى. اۋىر سالماققا، كوپ جۇكتەمەگە باي­لانىستى اۋرۋ دامي بەرەدى، ناتي­جەسىندە بۋىن بىرتە-بىرتە بۇزى­­لىپ، سۇيەكتىڭ زاقىمدانۋى، ونىڭ كەيىن­گى پاتو­لوگيالىق ءوسۋى مەن تىعىزدالۋى باي­قالادى. جاياۋ جۇر­گەندە قاتتى اۋىرسىنىپ، بۋىن­داردا سۇيىقتىق جينالادى، ال كەيىن­گى كەزەڭدەردە اياققا تۇرۋ ءتىپتى مۇم­كىن بولماي قالادى»، دەيدى دارىگەر.

ك ۇلىمحان قۇرمانعاليقىزىنىڭ سول جاق تىزە بۋىنىنا ەندوپروتەز ورناتىلدى. وپەراتسيادان سوڭ ءبىر اپتادان كەيىن اۋرۋحانادان شىقتى. ال بىرنەشە وڭالتۋ كۋرسى­نان كەيىن بۇرىنعىشا قالىپتى ەركىن قوزعالاتىن بولادى.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار