قوعام • 04 شىلدە، 2022

Kids Go Free: 300-دەن استام بالا تەگىن ۇشتى

15 رەت كورسەتىلدى

بۇل تۋرالى مادەنيەت جانە سپورت ۆيتسە-ءمينيسترى ەرجان ەركىنباەۆ ءمالىم ەتتى، دەپ حابارلايدى Egemen.kz.

بيىل ەلىمىزدە Kids Go Free جوباسى پيلوتتىق رەجيمدە ىسكە قوسىلدى. اتالعان باعدارلاما 2-17 جاستاعى بالالار مەن جاسوسپىرىمدەرگە ەل ىشىندە ساياحات جاساعاندا تەگىن ۇشۋعا مۇمكىندىك بەرەدى.

«Kids Go Free بيىل قاڭتاردا ىسكە قوسىلدى. بۇگىندە كوپتەگەن تۋريستىك كومپانيا اتالعان باعدارلامامەن جۇمىس ىستەپ جاتىر. باستى شارت ءجاسوسپىرىم كامەلەت جاسىنا تولماعان بولۋى كەرەك. ياعني وتباسىلىق تۋريستىك جولداما ساتىپ العان كەزدە، بالالارى تەگىن ۇشا الادى. ونىڭ اقىسىن تۋريستىك كومپانيا كوتەرەدى»، دەدى ەرجان ەركىنباەۆ.

ونىڭ ايتۋىنشا، بيىلعى جوسپارعا سايكەس 15 مىڭ بالاعا دەيىن Kids Go Free جوباسىنىڭ مۇمكىندىگىن پايدالانا الادى.

«وسى كۇنگە دەيىن 300 بالا تەگىن ۇشتى. تاعى 700 بالا جولداما الدى، ولار ەندى ساياحاتتايدى. ءجيى سۇرانىسقا يە ايماقتار – الماتى، تۇركىستان جانە ماڭعىستاۋ. ەگەر جوبانى قولدانۋشىلار سانى ءبىزدىڭ جوسپاردان اسىپ كەتسە، وندا قوسىمشا قارجى سۇرايتىن بولامىز»، دەيدى ول.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار