وبلىستىق پوليتسيا دەپارتامەنتى حابارلاعانداي, قايعىلى وقيعا 3 شىلدەدە ساعات 02.10-دا تەرەڭكول اۋدانىنىڭ بەرەگوۆوە اۋىلىندا مير كوشەسىندە بولعان.
«جەكە ءۇيدىڭ اۋلاسىنان 46 جاستاعى ءۇي يەسى مەن ونىمەن بىرگە تۇراتىن 48 جاستاعى ەر ادامنىڭ پىشاق جاراقاتى تۇرىندەگى زورلىق-زومبىلىق بەلگىلەرى بار ءمايىتى تابىلدى. مارقۇمنىڭ كامەلەتكە تولماعان بالاسى زارداپ شەككەن جوق, ويتكەنى ول ۇيدەگى بولمەلەردىڭ بىرىندە تىعىلىپ قالعان», دەلىنگەن پد حابارلاماسىندا.
اتالعان قىلمىسقا كۇدىكتى رەتىندە 22 جاستاعى اۋىل تۇرعىنى انىقتالىپ, ۇستالدى. وقيعا ورنىندا قاجەتتى تەرگەۋ ارەكەتتەرى جۇرگىزىلدى.
اتالعان دەرەك بويىنشا قر قىلمىستىق كودەكسىنىڭ 99-بابى 2-بولىگى, ەكى جانە ودان دا كوپ ادامدى ءولتىرۋ بويىنشا سوتقا دەيىنگى تەرگەۋ جۇرگىزىلىپ جاتىر. قىلمىستىڭ ءمان-جايى تەرگەۋ بارىسىندا انىقتالادى.
«اتالعان قىلمىستى تەرگەۋمەن پاۆلودار وبلىسى پد تەرگەۋ باسقارماسى اينالىسادى. ءىس بويىنشا پروتسەسس پروكۋرورى تاعايىندالدى», دەپ حابارلادى پد وكىلدەرى.
