پرەزيدەنت • 04 شىلدە، 2022

پرەزيدەنت «قازمۇنايگاز» ۇك باسقارما توراعاسىن قابىلدادى

35 رەت كورسەتىلدى

پرەزيدەنت قاسىم-جومارت توقاەۆ «قازمۇنايگاز» ۇك اق باسقارما توراعاسى ماعزۇم مىرزاعاليەۆتى قابىلدادى، دەپ حابارلايدى Egemen.kz.

مەملەكەت باسشىسىنا «قازمۇنايگاز» كومپانياسىنىڭ مۇناي-گاز حيمياسى سالاسىندا جۇزەگە اسىرىپ جاتقان جوبالارى جونىندە اقپارات بەرىلدى. قازىرگى ۋاقىتتا اتىراۋ وبلىسىنداعى پوليپروپيلەن شىعاراتىن زاۋىتتى ىسكە قوسۋ جۇمىستارى اياقتالىپ كەلەدى. بۇل ءوندىرىس ورنى بيىلعى تامىز ايىندا ىسكە قوسىلادى دەپ جوسپارلانىپ وتىر.

پرەزيدەنتكە پوليەتيلەن جانە بۋتاديەن وندىرىسىنە قاتىستى جوبالاردىڭ جۇزەگە اسىرىلۋ بارىسى باياندالدى.

ماعزۇم مىرزاعاليەۆ قاسىم-جومارت توقاەۆقا «وزەنمۇنايگاز» اكتسيونەرلىك قوعامىنىڭ قازىرگى جاعدايى مەن دامۋ پەرسپەكتيۆالارى، سونداي-اق ماڭعىستاۋ وبلىسىندا الەۋمەتتىك تۇراقتىلىقتى ساقتاۋ ءۇشىن جۇرگىزىلىپ جاتقان جۇمىستار جونىندە ەسەپ بەردى. ونىڭ ايتۋىنشا، الەۋمەتتىك-ەڭبەك قاتىناستارىنا قاتىستى ماسەلەلەردى شەشۋ، سونداي-اق «قازمۇنايگاز» كومپانياسىنىڭ ەنشىلەس ۇيىمدارى قىزمەتىنىڭ ماسەلەلەرى بويىنشا جەكە جانە زاڭدى تۇلعالاردىڭ وتىنىشتەرىن قابىلداۋ ماقساتىمەن اقتاۋدا ۇلتتىق كومپانيانىڭ وكىلدىگى اشىلعان. سونىمەن قاتار جاڭاوزەندە بالالارعا ءبىلىم بەرۋ ساپاسىن ارتتىرۋ جوباسى ىسكە اسىرىلىپ جاتىر، وقۋشىلار سارايى مەن سپورت الاڭدارىنىڭ قۇرىلىسى جۇرگىزىلۋدە.

«قازمۇنايگاز» باسشىسى پرەزيدەنتكە كومپانيانىڭ شەتەلدىك اكتيۆتەرىن دامىتۋ پەرسپەكتيۆالارى جونىندە باياندادى.

سونداي-اق مەملەكەت باسشىسى ماعزۇم مىرزاعاليەۆكە ينۆەستيتسيالىق جوبالاردى ۋاقىتىلى ىسكە اسىرۋ جانە الەۋمەتتىك تۇراقتىلىقتى قامتاماسىز ەتۋ جۇمىستارىن جالعاستىرۋ جونىندە بىرقاتار تاپسىرما بەردى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار