پرەزيدەنت • 04 شىلدە، 2022

مەملەكەت باسشىسى ەرلان قوشانوۆتى قابىلدادى

24 رەت كورسەتىلدى

بۇل تۋرالى اقوردانىڭ رەسمي سايتى ءمالىم ەتتى، دەپ حابارلايدى Egemen.kz.

پرەزيدەنتكە ءماجىلىستىڭ VII شاقىرىلىمىنىڭ ەكىنشى سەسسياسىندا اتقارىلعان زاڭ شىعارۋ جۇمىستارى تۋرالى مالىمەت بەرىلدى. پارلامەنتتىڭ تومەنگى پالاتاسىنىڭ سپيكەرى قابىلدانعان بىرقاتار زاڭنىڭ مەملەكەت باسشىسى ۇسىنعان رەفورمالاردى زاڭنامالىق تۇرعىدان قامتاماسىز ەتۋگە باعىتتالعانىن اتاپ ءوتتى. 

ەرلان قوشانوۆتىڭ ايتۋىنشا، قازىرگى ۋاقىتتا دەپۋتاتتار حالىقپەن كەزدەسۋلەر وتكىزىپ، جەرگىلىكتى جەرلەردەگى احۋالمەن تانىسۋ ءۇشىن وڭىرلەرگە اتتانعان. ولار ازاماتتاردىڭ كوتەرگەن ماڭىزدى دەگەن پروبلەمالارىن زەرتتەپ، جۇيەلەيدى. سودان كەيىن ۇكىمەتپەن بىرلەسىپ بۇل ماسەلەلەردى شەشەدى.

ءماجىلىس توراعاسى پرەزيدەنتكە پارلامەنتتىڭ تومەنگى پالاتاسى جۇمىسىنىڭ جاڭا فورماتى، سونىڭ ىشىندە قوعامدىق پالاتا قۇرۋ جونىندە ايتتى.

بۇدان بولەك ەرلان قوشانوۆ قاسىم-جومارت توقاەۆقا «اMANAT» پارتياسىنىڭ قوعامداعى الەۋمەتتىك ادىلدىكتى قامتاماسىز ەتۋگە جانە ازاماتتاردىڭ ءال-اۋقاتىن ارتتىرۋعا باعىتتالعان جۇمىستارى تۋرالى باياندادى. «جەر اماناتى» جوباسى اياسىندا پايدالانىلمايتىن جانە اۋىل شارۋاشىلىعى ماقساتىنداعى زاڭسىز بەرىلگەن جەرلەردى مەملەكەت مەنشىگىنە قايتارۋ جۇمىستارى جۇرگىزىلىپ جاتىر.

پارتيا ۇكىمەتپەن بىرلەسىپ، «اۋىل اماناتى» جوباسىن جۇزەگە اسىرۋدا. اۋىل تۇرعىندارى بولشەك ساۋدا جەلىسىنىڭ تالاپتارى مەن تۇتىنۋشىلاردىڭ سۇرانىسىن ەسكەرە وتىرىپ، اۋىل شارۋاشىلىعى ونىمدەرىن ءوندىرۋ جونىندەگى جاڭا قۇزىرەتتەردى ۇيرەنەدى. وسى رەتتە تۇرعىندار سانى 7،7 ميلليون ادام بولاتىن 2400 اۋىلدىق وكرۋگتى قامتۋ جوسپارلانىپ وتىر.

ءماجىلىس توراعاسى مەملەكەت باسشىسىنا 23-24 ماۋسىم ارالىعىندا شولپان-اتا قالاسىندا وتكەن تۇركى تىلدەس مەملەكەتتەردىڭ پارلامەنتتىك اسسامبلەياسىنىڭ XI پلەنارلىق وتىرىسىنا قاتىسقان قازاقستان دەلەگاتسياسى جۇمىسىنىڭ قورىتىندىسى تۋرالى باياندادى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار