تكبج-نى قۇرۋ جانە ونى ىسكە قوسۋ – تولەم كارتوچكالارى نارىعىنىڭ قاۋىپسىزدىگىن جانە ۇزدىكسىز جۇمىس ىستەۋىن, قازاقستاندىق بانكتەر ءۇشىن ىشكى ەسەپ ايىرىسۋلاردىڭ كەپىلدىگىن قامتاماسىز ەتەدى.
جۇيەنى ازىرلەۋ Visa, Mastercard جانە UnionPay حالىقارالىق تولەم جۇيەلەرىمەن جانە تولەم كارتوچكالارىنىڭ نارىعىنا قاتىسۋشى بانكتەرمەن ءوزارا تىعىز بايلانىستا جۇزەگە اسىرىلدى.
تولەم كارتوچكالارىنىڭ بانكارالىق جۇيەسىن قۇرۋ اياسىندا جەرگىلىكتى كارتوچكالىق ينفراقۇرىلىم جاسالىپ, ءتيىستى نورماتيۆتىك قۇقىقتىق بازا قالىپتاستىرىلدى. سونىمەن بىرگە قازاقستاندىق بانكتەر ەميسسيالاعان تولەم كارتوچكالارى بويىنشا جەرگىلىكتى وپەراتسيالاردى وڭدەۋدى ۇيىمداستىرۋ بويىنشا حالىقارالىق تولەم جۇيەلەرىمەن كەلىسىمدەر جاسالدى.
قازىرگى ۋاقىتتا جۇيەگە تولەم كارتوچكالارىمەن قىزمەت كورسەتەتىن بانكتەر قوسىلعان. بانكتەردىڭ جەرگىلىكتى كارتوچكالىق ترانزاكتسيالارىنىڭ ترافيگىن اۋدارۋ, ونىڭ ىشىندە بانك جۇيەلەرىن بەيىمدەۋ جانە حالىقارالىق تولەم جۇيەلەرىمەن ءوزارا ءىس-قيمىل پروتسەستەرىن قايتا باپتاۋ بويىنشا قاجەتتى جۇمىستار جۇرگىزىلدى.
تكبج وپەراتورى – «قازاقستان رەسپۋبليكاسى ۇلتتىق بانكىنىڭ قازاقستان بانكارالىق ەسەپ ايىرىسۋ ورتالىعى» رمك اتاۋلى ەنشىلەس ۇيىمى.
