الماتى وبلىسىندا دجيپ اۋدارىلىپ, 5 ادام قازا تاپتى

تالدىقورعان. 28 ءساۋىر. الماتى-بىشكەك اۆتوجولىندا ورىن العان جول-كولىك وقيعاسى سالدارىنان بەس ادام قازا بولدى, تاعى 2 ادام ءارتۇرلى دەنە جاراقاتىن الدى. بۇل تۋرالى الماتى وبلىسى ىشكى ىستەر دەپارتامەنتىنىڭ ءباسپاسوز قىزمەتى حابارلادى. دەپارتامەنت ءباسپاسوز قىزمەتىنىڭ مالىمدەۋىنشە, لەكسۋس-470» كولىگى اۋدارىلعان جول-كولىك وقيعاسى  رەسپۋبليكالىق جولدان 56 شاقىرىم جەردەگى جامبىل اۋدانىنىڭ ۇزىناعاش اۋىلىنىڭ ماڭىندا تىركەلگەن. «اپات ورنىندا كولىكتى جۇرگىزگەن 47 جاسار ايەل مەن ونىڭ ءۇش جولاۋشىسى بىردەن قازا تاپتى. ءۇش ەر ادام جاقىن ماڭداعى اۋرۋحاناعا جەتكىزىلدى, ولاردىڭ بىرەۋى دارىگەرلەردىڭ كورسەتكەن كومەگىنە قاراماستان, ەسىن جيماعان كۇيى ءجانتاسىلىم ەتتى. ەكەۋى دارىگەرلەردىڭ باقىلاۋىندا» - دەلىنگەن حابارلامادا. اتالمىش جول-كولىك وقيعاسىنا بايلانىستى قىلمىستىق ءىس قوزعالدى. قۇرىش نۇرىمبەت. دەرەككوز: الماتى ءىىد ءباسپاسوز قىزمەتى. فوتو: الماتى ءىىد ءباسپاسوز قىزمەتى.