قوعام • 01 شىلدە، 2022

قىتايدان زاڭسىز تاۋار اكەلمەك بولعان ادام جاۋاپكەرشىلىككە تارتىلدى

28 رەت كورسەتىلدى

جشس يەسى قىتايدان قازاقستانعا جالپى قۇنى 27 ملن تەڭگە بولاتىن اۆتوبولشەكتەر، اككۋمۋلياتورلار، دانەكەرلەۋ اپپاراتى مەن شارۋاشىلىق تاۋارلارىن اكەلۋگە تىرىسقان. ونىڭ ۇستىنە كومپانيا كەدەندىك تولەمدەر مەن سالىقتاردى تولەۋدەن جالتارعان. بۇل تۋرالى قر قم مەملەكەتتىك كىرىستەر كوميتەتىندە حابارلادى، دەپ جازادى Egemen.kz.

«قالجات» كەدەن بەكەتىندە دەكلاراتسيالانباعان جۇك تاسىمالداۋ ارەكەتى توقتاتىلدى.

تىركەمەسى بار كاماز ماركالى اۆتوكولىك قۇرالىن ينسپەكتسيالىق تەكسەرۋ كەشەنىن قولدانۋ ارقىلى سكانەرلەۋ ناتيجەلەرى بويىنشا قۇجاتتاردا كورسەتىلگەن تاۋارلار مەن كولىك قۇرالىنداعى زاتتار اراسىندا ايىرماشىلىقتار انىقتالدى.

قر قم مەملەكەتتىك كىرىستەر كوميتەتى كەدەندىك تەكسەرىپ قاراۋ ناتيجەلەرى بويىنشا جالپى سالماعى 20 توننانى قۇرايتىن دەكلاراتسيالانباعان تاۋارلاردى انىقتادى. ولارعا 5،5 ملن تەڭگە سوماسىندا كەدەندىك تولەمدەر مەن سالىقتار سالىندى.

يمپورتتاۋشى قر «اكىمشىلىك قۇقىق بۇزۋشىلىق تۋرالى» كودەكسىنىڭ 551-بابىنىڭ 1-بولىگىنە سايكەس جشس يەسى اكىمشىلىك جاۋاپكەرشىلىككە تارتىلدى.

دەكلاراتسيالانباعان تاۋارلار بويىنشا كەدەندىك تولەمدەر مەن سالىقتاردىڭ سوماسى بيۋدجەتكە ءوندىرىلدى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار