قازاقستان • 01 شىلدە، 2022

نۇر-سۇلتان مەن الماتى ستۋدەنتتەر ءۇشىن ەڭ ۇزدىك قالا قاتارىنا قوسىلدى

23 رەت كورسەتىلدى

بريتانيالىق Quacquarelli Symonds (QS) كومپانياسى QS Best Student Cities 2023 الەمدەگى ەڭ ۇزدىك ستۋدەنتتىك قالالاردىڭ جىل سايىنعى رەيتينگىن جاريالادى، وعان قازاقستاندىق ەكى ءىرى قالا – نۇر-سۇلتان مەن الماتى ەندى، دەپ حابارلايدى Egemen.kz.

قالانى باعالاۋ كەزىندە كوپتەگەن كريتەري ەسكەرىلگەن. سولاردىڭ قاتارىندا ستۋدەنتتەر قاۋىمداستىعىنىڭ ينتەرناتسيونالدىق سيپاتى، قوعامنىڭ باسقا مادەنيەتتەرگە توزىمدىلىكپەن قاراۋى، ەكولوگيا، ءومىر ءسۇرۋدىڭ ەكونوميكالىق دەڭگەيى، قاۋىپسىزدىك دەڭگەيى قاراستىرىلعان.
 
تالاپتاردىڭ ءبىرى – قالادا QS World University Rankings جوعارى وقۋ ورىندارىنىڭ ەڭ بەدەلدى الەمدىك رەيتينگىنە ەنگەن كەمىندە ەكى ۋنيۆەرسيتەت بولۋى كەرەك.
 
ءبىر قىزىعى، قازاقستاننىڭ استاناسى بەدەلدى QS رەيتينگىنە العاش رەت ەنىپ، دارەم (اقش)، انكارا (تۇركيا) جانە كەيپتاۋندى (وڭتۇستىك افريكا) ارتقا تاستاپ، 92-ءشى ورىننان كورىندى.
 
سونىمەن قاتار الماتى ستۋدەنتتەرگە ارنالعان ەڭ جايلى قالا رەتىندە العاش رەت 2022 جىلى QS نازارىنا ىلىككەن. دەگەنمەن بيىل ول بىردەن 30 پوزيتسياعا – 105-ورىننان 75-ورىنعا كوتەرىلىپ، گولد-كوست (اۆستراليا)، كاير (مىسىر) جانە لەستەردى ( ۇلىبريتانيا) ارتقا تاستادى.
 
Best Student Cities 2023 تىزىمىنە بارلىعى140 قالا ەندى. ۇزدىك ءۇش ستۋدەنتتىك قالانى لوندون (1-ورىن)، ميۋنحەن (2) جانە سەۋل مەن توكيو (3) باستادى.
 
ەسكە سالا كەتەيىك، بيىل بۇل رەيتينگىگە بىردەن 16 قازاقستاندىق جوعارى وقۋ ورنى ەندى، ونىڭ ىشىندە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى، س.سەيفۋللين اتىنداعى قازاق اگروتەحنيكالىق ۋنيۆەرسيتەتى، Satbayev University جانە ءال-فارابي اتىنداعى قازاق ۇلتتىق ۋنيۆەرسيتەتى بار. سوڭعىسى الەمنىڭ ۇزدىك 150 ۋنيۆەرسيتەتىنىڭ قاتارىنا قوسىلدى.
سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار