ماۋسىمنىڭ قورىتىندىسى بويىنشا, تەڭگە باعامى 1 دوللار ءۇشىن 470,24 تەڭگەگە دەيىن نەمەسە 13,3 پايىزعا السىرەگەن. قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 115 ميلليون اقش دوللارىنان 96,4 ميلليون اقش دوللارىنا دەيىن تومەندەگەن.
«ەنەرگيا تاسىمالداۋشىلاردىڭ قولايلى باعاسىنا قاراماستان, ۇلتتىق ۆاليۋتا باعامى شەكتەۋلى ۆاليۋتا ۇسىنىسى مەن ۆاليۋتاعا دەگەن سۇرانىستىڭ ءبىر ۋاقىتتا ءوسۋى اياسىندا السىرەدى. ۆاليۋتا ۇسىنىسىنىڭ تومەندەۋى – ەكسپورتتاۋشىلاردىڭ سالىق تولەۋ ءۇشىن ۆاليۋتا ساتۋدى قىسقارتۋىنا, ال سۇرانىستىڭ ءوسۋى ديۆيدەند تولەۋدىڭ باستالۋىنا بايلانىستى بولدى», دەلىنگەن حابارلامادا.
ۆاليۋتا نارىعىنا كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى قولداۋ كورسەتتى, ول شامامەن 480,4 ميلليون اقش دوللارى بولعان.
«ماۋسىمدا ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا 438,3 ميلليون اقش دوللارىنا ساتىلدى», دەلىنگەن ۇب حابارلاماسىندا.
بۇل رەتتە ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنىڭ 20,7 پايىزى بولعان.
«ماۋسىم بويى ىشكى ۆاليۋتا نارىعىندا ۇلتتىق بانك ۆاليۋتالىق ينتەرۆەنتسيالاردى, سونداي-اق بجزق-نىڭ زەينەتاقى اكتيۆتەرى مەن سەنىمگەرلىك باسقارۋداعى باسقا دا قورلار ءۇشىن شەتەل ۆاليۋتاسىن ساتىپ الۋ نەمەسە ساتۋ بويىنشا وپەراتسيالاردى جۇزەگە اسىرعان جوق», دەلىنگەن حابارلامادا.
قىسقا مەرزىمدى پەرسپەكتيۆادا تەڭگەنىڭ قۇبىلمالىلىعى گەوساياسي جاعدايدىڭ وزگەرۋىنە, ىشكى قاتىسۋشىلاردىڭ كۇتۋلەرىنە جانە الەمدىك نارىقتارداعى احۋالعا بايلانىستى بولاتىنى ايتىلدى.
