ANTIKOR • 01 شىلدە، 2022

شىمكەنتتە 58 پاراقورلىق فاكتىسى تىركەلگەن

33 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى ءبىرىنشى جارتىجىلدىقتا 76 قىلمىس تىركەگەن، ونىڭ 90%-ى سىبايلاس جەمقورلىق سيپاتىندا، دەپ حابارلايدى Egemen.kz.

وتكەن جىلمەن سالىستىرعاندا سىبايلاس جەمقورلىقتى انىقتاۋ ەكى ەسەدەن استام وسكەن، ياعني 33 قىلمىستان 71 سىبايلاس جەمقورلىق فاكتىسىنە دەيىن ارتىپ وتىر.

سالالار بويىنشا انىقتالعان قىلمىستاردىڭ ەڭ كوپ سانى قۇقىق قورعاۋ بلوگىندا – 30 فاكت، سونىمەن قاتار دەنساۋلىق ساقتاۋ سالاسىندا – 27، قۇرىلىس – 6، مادەنيەت – 5، ءبىلىم سالاسىندا – 3 جانە الەۋمەتتىك قامتاماسىز ەتۋ سالاسىندا 1 قىلمىس تىركەلگەن. تىركەلگەن قىلمىستاردىڭ ىشىندە پاراقورلىق – 58 (پارا الۋ – 21، بەرۋ – 33، دەلدالدىق – 4)، جىمقىرۋ – 11 جانە وكىلەتتىگىن تەرىس پايدالانۋ فاكتىلەرى باسىم.

بۇل دەرەكتەردى پوليتسيا قاتارىنداعى سىبايلاس جەمقورلىققا قارسى بىرلەسكەن كۇرەستىڭ ارالىق ناتيجەلەرى بويىنشا وتكەن بريفينگتە اگەنتتىكتىڭ شىمكەنت قالاسى بويىنشا دەپارتامەنتى باسشىسىنىڭ ورىنباسارى داۋرەن قوجاباەۆ پەن شىمكەنت قالاسى پوليتسيا دەپارتامەنتى باستىعىنىڭ ورىنباسارى مۇرات التاەۆ ءمالىم ەتتى.

سپيكەرلەردىڭ ايتۋىنشا، بيىل پوليتسيا دەپارتامەنتى مەن سىبايلاس جەمقورلىققا قارسى قىزمەتپەن بىرلەسكەن جەدەل ءىس-شارالار بارىسىندا پاترۋلدىك پوليتسيا پولكىنىڭ بىرقاتار قىزمەتكەرلەرى ۇستالدى. ولار 2018 جىلدان باستاپ انىقتاۋ شارالارىندا بولعان. ياعني، ءتورت جىل ىشىندە جەدەل ۋاكىلدەر بارلىق قاجەتتى دالەلدەردى جيناعان. ناتيجەسىندە، وسى جىلدىڭ ءساۋىر ايىنىڭ سوڭىندا جەدەل ءىس-شارالاردى جۇرگىزىپ، پولك قىزمەتكەرلەرىن ۇستاۋعا مۇمكىندىك بولدى. ولار پارا بەرۋ جانە الۋ جايتتارىنا قاتىسى بار دەگەن كۇدىككە ءىلىندى.

بريفينگتە ساۋىردە قىزمەت بابىنداعى قامقورلىعى ءۇشىن قاراماعىنداعى قاتارداعى وفيتسەرلەردەن 174 مىڭ تەڭگە مولشەرىندە پارا العانى ءۇشىن 4-روتانىڭ كومانديرى ۇستالعانى دەرەكتەردىڭ ءبىرى رەتىندە ايتىلدى.

سونداي-اق روتا كومانديرى زاڭدا كوزدەلگەن دەمالىس كۇندەرىن بەرگەنى ءۇشىن قول استىنداعىلاردان 2 مىڭ تەڭگە مولشەرىندە جۇيەلى تۇردە پارا العان.

جوعارىدا كورسەتىلگەن فاكتىلەر بويىنشا قىلمىستىق قۋدالاۋعا 30-دان استام پوليتسيا قىزمەتكەرى مەن ولاردىڭ سىبايلاستارى تارتىلعان، ونىڭ ىشىندە 4 ايىپتالۋشى سوتتىڭ سانكتسياسىمەن قاماۋعا الىنعان.

سىبايلاس جەمقورلىققا قارسى قىزمەت پەن ىشكى ىستەر مينيسترلىگى قول قويعان ءوزارا ىنتىماقتاستىق تۋرالى مەموراندۋم اياسىندا سىبايلاس جەمقورلىققا قارسى ءىس-قيمىل سالاسىندا ءوزارا قىزىعۋشىلىق تۋدىراتىن اقپارات الماسۋ، بىرلەسكەن جەدەل-ىزدەستىرۋ ءىس-شارالارىن جۇرگىزۋ، سىبايلاس جەمقورلىق تاۋەكەلدەرىنە مونيتورينگ جانە تالداۋ جۇرگىزۋ كوزدەلگەن.

قازىرگى ۋاقىتتا سىبايلاس جەمقورلىق تاۋەكەلدەرىنە سىرتقى تالداۋ پوليتسيا دەپارتامەنتىنىڭ كوشى-قون قىزمەتىنىڭ جۇمىسىنا جۇرگىزىلۋدە.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار