كوبىنەسە قازاقستاندىقتار بانكتەن نەسيەنى ءوز مۇلكىن كەپىلگە قويۋ ارقىلى الادى. نەسيە وتەلگەننەن كەيىن كەپىلدە تۇرعان م ۇلىكتەن اۋىرتپالىقتاردى الىپ تاستاۋى كەرەك. بۇرىن بۇل قىزمەت حقو-دا وفلاين رەجىمدە عانا كورسەتىلەتىن. كليەنت الدىمەن بانكتەن انىقتاما الىپ, سودان كەيىن حالىققا قىزمەت كورسەتۋ ورتالىقتارىنا جۇگىنەتىن. قىزمەت كورسەتۋ مەرزىمى ءۇش جۇمىس كۇنىن قۇرادى. قازىر جوبا ارقىلى بۇل پروتسەسس جەڭىلدەدى. ەندى قۇجاتتار جيناپ, ولاردى حقو-عا اپارۋدىڭ قاجەتى جوق. بارلىعى ونلاين رەجىمدە جاسالادى, ال كەپىل قۇقىعىن بەس مينۋت ىشىندە شەشۋگە بولادى!
ايتا كەتەيىك, م ۇلىك كەپىلىن توقتاتۋ قىزمەتى قازاقستاندىقتار اراسىندا سۇرانىسقا يە قىزمەتتەردىڭ ءبىرى. بەس اي ىشىندە ەدب-نىڭ 126 523 كەپىلى شەشىلدى. جاقىن ارادا قىزمەتتى باسقا بانكتەردىڭ كليەنتتەرى دە پايدالانا الادى. بۇل مەملەكەتتىك كورپوراتسيانىڭ ەدب-مەن جانە Blockchain تەحنولوگياسىن قولدانۋ بويىنشا العاشقى بىرلەسكەن جوباسى ەمەس. 2021 جىلدىڭ كۇزىندە «تسيفرلى يپوتەكا» ىسكە قوسىلدى, ال 2022 جىلدىڭ ماۋسىم ايىنىڭ باسىندا جالعا بەرىلەتىن تۇرعىن ءۇيدى ونلاين رەسىمدەۋ مۇمكىندىگى پايدا بولدى.
