2021 جىلدىڭ 26 اقپانىنداعى № 522 جارلىعىمەن بەكىتىلگەن «ادامدار – ەڭ الدىمەن ادامدار» مودەلىن قۇرۋ تۇجىرىمداماسىن باعىت-باعدار رەتىندە ايقىندادى.
وسى تۇجىرىمداماعا سايكەس بۇگىنگى كۇنى بۇكىل الەم تۋربۋلەنتتىلىك, ءوسىپ كەلە جاتقان قۇبىلمالىلىق, الەۋمەتتىك, ەكونوميكالىق جانە ساياسي دامۋدىڭ بەلگىسىزدىگى داۋىرىنە اياق باستى.
دامىعان ەلدەردە اۋقىمدى سىن-قاتەرلەردى ەڭسەرۋ بارىسىندا مەملەكەتكە دەگەن قوعامدىق سەنىم, ونىڭ وزگەرىستەرگە دايىندىعى ماسەلەسى ەرەكشە ماڭىزعا يە بولۋدا. نەعۇرلىم ءتيىمدى مەملەكەتتىك باسقارۋعا, ازاماتتاردىڭ باسقارۋشىلىق شەشىمدەر قابىلداۋعا قاتىسۋىنا قوعام تالابىنا كوشۋدە.
بۇل رەتتە, مەملەكەت پەن قوعامنىڭ تالابىنا جاۋاپ بەرۋ ءۇشىن مينيسترلىكتىڭ پەرسونالدى باسقارۋ قىزمەتىنە ۇلكەن مىندەتتەر جۇكتەلەدى.
پەرسونالدى باسقارۋ قىزمەتى ءوز قۇزىرەتى شەگىندە ەلىمىزدىڭ مەملەكەتتىك قىزمەت تۋرالى زاڭىنا سايكەس مەملەكەتتىك ورگاننىڭ قۇرىلىمدىق بولىمشەلەرىنىڭ مەملەكەتتىك قىزمەت سالاسىنداعى زاڭناماسىن ورىنداۋى جونىندەگى قىزمەتىن ۇيلەستىرەدى.
بۇدان بولەك, تارتىپتىك, كونكۋرستىق جانە كادر ماسەلەلەرى جونىندەگى وزگە دە كوميسسيالاردىڭ قىزمەتىن ۇيىمداستىرادى. مەملەكەتتىك اكىمشىلىك قىزمەتشىلەردىڭ جۇمىسىن باعالاۋدى جۇرگىزۋ, كونكۋرستىق ىرىكتەۋ, مەملەكەتتىك قىزمەتشىلەردى قىزمەت بابىندا ىلگەرىلەتۋ, قىزمەتتىك تەرگەپ-تەكسەرۋ, مەملەكەتتىك قىزمەتشىلەردى تارتىپتىك جاۋاپتىلىققا تارتۋ, مەملەكەتتىك قىزمەتشىلەردى قىزمەتتەن شىعارۋ راسىمدەرىنىڭ ساقتالۋىن قامتاماسىز ەتەدى.
سونىمەن قاتار, كادرلاردى ىرىكتەۋ ۇيىمداستىرىپ, مەملەكەتتىك قىزمەتشىلەردىڭ مەملەكەتتىك قىزمەتتى وتكەرۋىنە بايلانىستى قۇجاتتاردى رەسىمدەيدى, مەملەكەتتىك قىزمەتشىلەردىڭ دەربەس دەرەكتەرىن, مەملەكەتتىك اكىمشىلىك قىزمەتشىلەردىڭ جۇمىسىن باعالاۋ جانە وقۋدان ءوتۋ ناتيجەلەرى تۋرالى مالىمەتتەردى, ونىڭ ىشىندە مەملەكەتتىك قىزمەت پەرسونالى بويىنشا اۆتوماتتاندىرىلعان بىرىڭعاي دەرەكقوردا (اقپاراتتىق جۇيەدە) ەسەپكە الۋدى جۇزەگە اسىرادى. مەملەكەتتىك قىزمەتتە بولۋعا بايلانىستى شەكتەۋلەردىڭ ساقتالۋىن قامتاماسىز ەتۋدە. مەملەكەتتىك قىزمەتشىلەردىڭ تاعىلىمدامادان ءوتۋىن, ءتالىم الۋىن, جۇمىسىن باعالاۋدى, ولاردى دايارلاۋدى, قايتا دايارلاۋدى جانە بىلىكتىلىگىن ارتتىرۋدى بەلگىلەنگەن مەرزىمدەرگە سايكەس ۇيىمداستىرادى, مەملەكەتتىك قىزمەتشىلەردى كوتەرمەلەۋدى قولدانۋ ءتارتىبىن ازىرلەيدى.
پەرسونالدى باسقارۋ قىزمەتى مەملەكەتتىك ورگاننىڭ باسقا قۇرىلىمدىق بولىمشەلەرىنەن ۇيىمدىق جاعىنان دەربەس بولادى, اپپارات باسشىسىنا تىكەلەي باعىنادى.
مەملەكەت باسشىسى ق.ك. توقاەۆتىڭ 2022 جىلعى 11 قاڭتاردا پارلامەنت ءماجىلىسىنىڭ وتىرىسىندا بەرگەن تاپسىرماسىنا سايكەس, قازىرگى تاڭداعى مەملەكەتتىك قىزمەتشىلەر سانىنىڭ وڭتايلى بولۋىنا بايلانىستى مينيسترلىكتىڭ قۇرىلىمى جانە شتات سانىنا قىسقارتۋ جۇمىستارى توقتاتۋ ماقساتىندا, پرەمەر-ءمينيستردىڭ تاپسىرماسىن ورىنداۋ ماقساتىندا مەملەكەتتىك اپپاراتتا شتات سانىن وڭتايلاندىرۋ جانە ەڭبەكاقى تولەۋدىڭ جاڭا جۇيەسىن ەنگىزۋ بويىنشا جول كارتاسىنىڭ 9-تارماعىنا سايكەس, مينيسترلىك 2021 جىلى مەملەكەتتىك قىزمەتشىلەردىڭ سانىن 15%-عا قىسقارتۋ جۇمىستارىن جۇرگىزدى. ناتيجەسىندە شتات سانى 248 بىرلىككە قىسقارتىلدى.
بۇدان بولەك, پرەزيدەنتتىڭ «مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ شتات سانىنىڭ ليميتتەرىن وڭتايلاندىرۋدىڭ كەيبىر ماسەلەلەرى تۋرالى» 2021 جىلعى 28 شىلدەدەگى № 633 جارلىعىنا سايكەس كۆازيمەملەكەتتىك سەكتوردى قىسقارتۋ تاپسىرىلعان.
اتالعان جارلىقتى ورىنداۋ ماقساتىندا, 2021 جىلى قىزمەتكەرلەر 15 % قىسقارتىلدى. اعىمداعى جىلى اكىمشىلىك-باسقارۋ پەرسونالىن (بۇدان ءارى - ءابپ) 10 % قىسقارتۋ جوسپارلانىپ وتىر.
جالپى, مەملەكەتتىك قىزمەتتەگى قوسالقى قىزمەتتەردى ورتالىقتاندىرۋ بويىنشا جۇمىستار جۇرگىزىلىپ, پەرسونالمەن جۇمىس قىزمەتىن مينيسترلىكتىڭ دەڭگەيىندە, ال ورمان شارۋاشىلىعى جانە جانۋارلار دۇنيەسى, سۋ رەسۋرستارى, بالىق شارۋاشىلىعى كوميتەتتەرىندە قارجى قىزمەتتەرى كوميتەت دەڭگەيىندە ورتالىقتاندىرىلدى.
ناتيجەسىنە سۇيەنسەك, قوسالقى قىزمەتتەردى ورتالىقتاندىرۋ ناتيجەسىندە 28 لاۋازىم قىسقارتىلدى.
وسىعان وراي, ۆەدومستۆولار مەن ونىڭ اۋماقتىق بولىمشەلەرىندە پەرسونالدى باسقارۋ قىزمەتتەرى قاراستىرىلماعان.
جالپى مينيسترلىكتە, ۆەدومستۆولاردا جانە ولارعا قاراستى وبلىستاردا, نۇر-سۇلتان, الماتى جانە شىمكەنت قالالارىندا ورانلاسقان 52 قۇرىلىمدىق بولىمشەلەرى بار.
بۇل رەتتە, مينيسترلىكتىڭ شتاتتىق سانى 1411 بىرلىكتى قۇرايدى, شتاتپەن قامتاماسىز ەتىلۋى – 93,5%, اۋىسىمدىلىعى 3,6% قۇراپ, «تازا اۋىسىمدىلىق» 2,9% قۇرايدى. قىزمەتكەرلەردىڭ جۇمىستان بوساتىلۋىنىڭ نەگىزگى سەبەپتەرىنىڭ ءبىرى جەكە سەكتورعا كەتۋ.
مينيسترلىكتەگى بوس لاۋازىمدارعا 78 رەت كونكۋرستار وتكىزىلىپ, وعان قاتىسقان 235 ۇمىتكەردەن 130 ادام قابىلداندى, ونىڭ ىشىندە مانساپتىق ءوسۋ بويىنشا مەريتوكراتيا پرينتسيپىمەن 36 ادام باسشىلىق لاۋازىمدارعا تاعايىندالدى.
بۇگىنگى كۇنى جاڭا ءۇش وبلىستىڭ قۇرىلۋىنا بايلانىستى مينيسترلىكتىڭ اۋماقتىق بولىمشەلەرىن قۇرۋعا ارنالعان قاجەتتى شتات ساندارى بويىنشا ۇلتتىق ەكونوميكا مينيسترلىگىمەن جۇمىستار جۇرگىزىلىپ, قوسىمشا 75 بىرلىك بويىنشا, مينيسترلىك, ۇكىمەتتىڭ بەكىتكەن جوسپارىنا سايكەس ءوز الگوريتمىنىڭ بەكىتىپ, ءتيىستى جۇمىستاردى جۇرگىزۋدە.
سونىمەن قاتار, 2020-2021 جىلداردا مەريتوكراتيا ءپرينتسيپى بويىنشا 188 قىزمەتكەر, ونىڭ ىشىندە: 2020 جىلى – 105 قىزمەتكەر, 2021 جىلى – 83 قىزمەتكەر مانسابىندا جوعارىلانعانىن اتاپ ءوتۋ قاجەت.
مەريتوكراتيا ءپرينتسيپى مينيسترلىككە ءوز كادرلاردى دايارلاۋعا مۇمكىندىك بەرەدى. پرەزيدەنت جولداۋىندا اتاپ وتىلگەندەي, جۇمىسقا قابىلداۋ مەريتوكراتيا ءپرينتسيپى نەگىزىگى قۇراۋشى كۇشى بولۋى كەرەك.
سونىمەن قاتار, جاڭادان مەملەكەتتىك قىزمەتكە ورنالاسقان جانە باسشىلىق لاۋازىمدارعا تاعايىندالعان قىزمەتشىلەر بىلىكتىلىگىن ارتتىرۋ جانە قايتا دايارلاۋ كۋرستارىنان وتۋگە مىندەتتەلەدى.
جالپى مينيسترلىكتە 9 قىزمەتشى «بولاشاق» باعدارلاماسىنىڭ جانە 21 قىزمەتشى مەملەكەتتىك باسقارۋ اكادەمياسىنىڭ تۇلەكتەرىن قۇرايدى (2,3%).
مەملەكەتتىك باسقارۋ جۇيەسىنە جاستار كادرلارىن ۇسىنۋ, جاۋاپتى, باسشىلىق لاۋازىمدارعا رەزەرۆشىلەردى ورنالاستىرۋ بويىنشا مەملەكەت باسشىسىنىڭ تاپسىرماسىن جۇزەگە اسىرۋ ماقساتىندا مينيسترلىكتىڭ باسشىلىق لاۋازىمدارىنا رەزەرۆتەن 4 ادام قابىلداندى.
سونىمەن قاتار, مينيسترلىكپەن وسى باعىتتا جۇمىس ودان ءارى جالعاستىرىلاتىنىن جانە اعىمداعى جىلدىڭ شىلدە ايىندا مەملەكەتتىك قىزمەت ىستەرى اگەنتتىگىمەن جىبەرىلگەن كەستەگە سايكەس رەزەرۆشىلەرىمەن كەزدەسۋ جوسپارلانىپ وتىرعانىن حابارلايمىز.
مەملەكەتتىك قىزمەت اياسىنداعى زاڭنامانىڭ تالاپتارى نەگىزىندە «ب» كورپۋسى مەملەكەتتىك قىزمەتكەرلەرىنىڭ روتاتسياسى جۇزەگە اسىرىلادى.
2021 جىلى مينيسترلىكتىڭ 8 اۋماقتىق بولىمشە باسشىلارىنىڭ روتاتسياسى بويىنشا ءتيىستى جۇمىستار جۇرگىزىلدى. بيىلعى جىلى مينيسترلىكتىڭ ورتالىق اپپاراتىنىڭ دەپارتامەنت باسشىلارى, ۆەدومستۆو باسشىلارىنىڭ ورىنباسارلارى مەن اۋماقتىق بولىمشە باسشىلارى بويىنشا 20 قىزمەتشىلەردىڭ روتاتسياسى جوسپارلانعان.
روتاتسيا مەملەكەتتىك قىزمەتتى وتكەرۋ بارىسىندا كاسىبي الەۋەتتى ءتيىمدى پايدالانۋدى قامتاماسىز ەتۋ جانە باسقارۋشىلىق قۇزىرەتتىلىگىن ارتتىرۋ ماقساتىندا وتكىزىلەدى.
نەگىزى روتاتسيا جۇرگىزۋدىڭ نەگىزگى ماقساتى: مەملەكەتتىك ورگاندار قىزمەتىنىڭ تيىمدىلىگىن ارتتىرۋ, وبلىستاردى, رەسپۋبليكالىق ماڭىزى بار قالالاردى, استانانى, وبلىستاردىڭ اكىمشىلىك ورتالىعى بولىپ تابىلاتىن قالالاردى, وبلىستىق ماڭىزى بار قالالاردى, وبلىستاردىڭ اۋداندارى مەن قالالارداعى اۋدانداردى دامىتۋ; سىبايلاس جەمقورلىق قۇقىق بۇزۋشىلىقتاردىڭ پروفيلاكتيكاسى; مەملەكەتتىك قىزمەتشىلەردىڭ كاسىبي الەۋەتىن جانە باسقارۋ تاجىريبەسىن ءتيىمدى پايدالانۋ جانە مەملەكەتتىك قىزمەتشىلەردى كاسىبي دامىتۋ جانە ولاردىڭ باسقارۋ قۇزىرەتتەرىن جەتىلدىرۋ بولىپ تابىلادى.
سونىمەن قاتار, پەرسونالدى باسقارۋ قىزمەتى كۇندەلىكتى ەڭبەك ءتارتىبىنىڭ ساقتالۋىن قامتاماسىز ەتۋ ماقساتىندا مەملەكەتتىك قىزمەتكەرلەردىڭ عيماراتقا كىرىپ-شىعۋىن ارنايى جۇيە ارقىلى باقىلاپ وتىرادى. جۇمىس ۋاقىتىنان تىس جۇمىس اتقارۋ دەرەكتەرى بويىنشا مونيتورينگ جۇرگىزەدى.
وسى ورايدا كادر قىزمەتى سالاسىنداعى كۇردەلى ماسەلەلەردىڭ ءبىرى ورىنداۋشىلىق ءتارتىپتىڭ ساقتالماعاندىعى ءۇشىن تەرگەپ-تەكسەرۋلەر جۇرگىزىپ, تارتىپتىك جاۋاپكەرشىلىككە تارتۋ بويىنشا ۇسىنىستار ەنگىزەدى.
بيىل مينيسترلىكتىڭ, ۆەدومستۆولاردىڭ ونىڭ قۇرىلىمدىق بولىمشەلەرى قىزمەتشىلەرىنىڭ قۇقىققا قارسى ارەكەتتەرىنە بايلانىستى 363 قۇجات ءتۇستى. ونىڭ 49 بويىنشا قىزمەتتىك تەرگەپ-تەكسەرۋلەر جۇرگىزىلمەستەن ولاردىڭ كەلىسىمدەرى بويىنشا تارتىپتىك جازاعا تارتىلدى, ونىڭ ىشىندە باسشىلىق لاۋازىمداعىلار سانى 12, باسقا لاۋازىمداردا 37 قىزمەتشى تارتىپتىك جازاعا تارتىلدى. جاۋاپكەرشىلىك تۇرلەرى بويىنشا: ەسكەرتۋ – 32, سوگىس -14, قاتاڭ سوگىس -3.
ال, ءتيىستى قىزمەتتىك تەرگەپ-تەكسەرۋ جۇرگىزىلگەن قۇاجتتار نەگىزىندە 58 قىزمەتشىگە تارتىپتىك جازا قولدانىلدى. جاۋاپكەرشىلىك تۇرلەرى بويىنشا: ەسكەرتۋ –32, سوگىس -15, قاتاڭ سوگىس -5, قىزمەتكە تولىق سايكەس كەلمەۋى – 6. ونىڭ ىشىندە 4 قىزمەتكەر ادەپ نورمالارىن بۇزعاندىعى ءۇشىن تارتىپتىك جاۋاپكەرشىلىككە تارتىلدى (ەسكەرتۋ –1, سوگىس -1, قاتاڭ سوگىس -2). 223 قىزمەتكەرگە تارتىپتىك جازا قولدانباۋ تۋرالى شەشىم قابىلداندى.
سونىمەن قاتار, الەم نازارىن وزىنە اۋدارعان قاۋىپتى جانە وزەكتى ماسەلەلەردىڭ ءبىرى – سىبايلاس جەمقورلىق بولسا, سول سىبايلاس جەمقورلىققا قارسى كۇرەستى ودان ءارى كۇشەيتۋ ماسەلەلەرى بويىنشا زاڭ قابىلدانىپ, جۇزەگە اسىرىلۋدا.
مىنەز-ق ۇلىق ستاندارتتارى جاڭا ساپالى دەڭگەيگە كوتەرىلىپ كەلە جاتقانىن اتاپ ءوتۋ كەرەك, مەملەكەتتىك قىزمەتشىلەردەن جوعارى جاۋاپكەرشىلىكتى جانە مىنەز-ق ۇلىقتى وزدىگىنەن باقىلاۋدى تالاپ ەتەدى, بۇل تۇتاستاي العاندا مەملەكەتتىك قىزمەتتىڭ يميدجىنە وڭ اسەر ەتەدى.
مينيسترلىك قىزمەتكەرلەرىنىڭ ەتيكالىق جانە سىبايلاس جەمقورلىققا قارسى ساناسىن قالىپتاستىرۋ جونىندەگى جۇمىس تۇراقتى نەگىزدە جانە مەملەكەتتىك قىزمەتتە ادەپتىلىكتى ارتتىرۋ جونىندەگى جۇمىس جوسپارى شەڭبەرىندە اتقارىلۋدا. زاڭدى قۇرمەتتەۋ-بۇل مەملەكەتتىك قىزمەت قىزمەتكەرلەرىنىڭ مورالدىق ساناسىنىڭ ماڭىزدى قاعيداسى, ونى ورىنداۋ تەك قىزمەتتىك مىندەت قانا ەمەس, سونىمەن بىرگە مورالدىق پارىز.
مەكەمەمىزدىڭ قىزمەتكەرلەرىنىڭ ەتيكالىق جانە سىبايلاس جەمقورلىققا قارسى ساناسىن قالىپتاستىرۋ جونىندەگى جۇمىس تۇراقتى نەگىزدە جانە مەملەكەتتىك قىزمەتتە ادەپتىلىكتى ارتتىرۋ جونىندەگى جۇمىس جوسپارى شەڭبەرىندە جالعاستىرىلاتىن بولادى.
«جاسىل ۆەدومستۆانىڭ» الدىندا قويىلعان ماقساتتاردى ورىنداۋ ءۇشىن كاسىبي ماماندارمەن قامتاماسىز ەتۋگە مينيسترلىكتىڭ كادر قىزمەتىندە بارلىق مۇمكىندەكتەر بار. سونىمەن بىرگە, مەملەكەتتىك ورگاننىڭ جۇمىس تيىمدىلىگىن ارتتىرۋ بويىنشا بارلىق قاجەتتى شارالار قابىلدانىپ وتىر.
بۇگىنگى كۇنى:
كادر ساياساتى - مينيسترلىكتىڭ دامۋ باعىتى, قابىلداعان شەشىمدەرى, ماقساتتارى جانە پرينتسيپتەرى جانە ودان تۋىندايتىن نوررمالارى مەن ولشەمدەرى جۇيەسى.
كادرلىق ستراتەگيا – پەرسونالمەن جۇمىس ىستەۋدىڭ نەگىزگى پرينتسيپتەرىنىڭ, ەرەجەلەرىنىڭ جانە ماقساتتارىنىڭ جيىنتىعى.
كادرلىق ساياساتتىڭ ماقساتى – قاجەتتى ساپانى وڭتايلاندىرۋ, ساقتاۋ جانە دامىتۋ, ياعني كادر قىزمەتى جۇزەگە اسىراتىن نەگىزگى پرينتسيپتەردىڭ جيىنتىعى, پەرسونالمەن جۇمىس ىستەۋدەگى نەگىزگى باعىت باعدارى.
وسى تۇرعىدا پەرسونالدى باسقارۋ قىزمەتىنىڭ باستى ءرولى مينيسترلىك جانە ونىڭ قىزمەتشىلەرىنىڭ ماقساتتارى مەن باسىمدىقتارىن بىرىكتىرۋگە ىقپال ەتەتىن ماقساتتى ماسەلەسى.
كادر ساياساتىنىڭ نەگىزگى وبەكتىسى – ساپالى جانە بىلىكتى كادرلار بولىپ تابىلادى. پەرسونالدى باسقارۋ قىزمەتى ءاربىر مەملەكەتتىك مەكەمەنىڭ قوزعاۋشى كۇشى جانە نەگىزگى قۇرامى.
كادر ساياساتىن جاقسارتۋ ماقساتىندا, باستى باعىتتارىمىزدىڭ ءبىرى – مانساپتىق ءوسۋ بويىنشا مەريتوكراتيانى ۇلعايتۋ, تازا اۋىسىمدىلىق كورسەتكىشىن تومەندەتۋ جانە ونى وڭتايلاندىرۋ. مينيسترلىكتى بىلىكتى ماماندارمەن تولىقتىرۋ جانە سىبايلاس جەمقورلىققا قارسى نولدىك توزىمدىلىكتى ۇستانۋ بۇل ءبىزدىڭ باسىم باعىتىمىز.
اسقار ەستىباەۆ,
قر ەگترم كادر جۇمىسى
دەپارتامەنتىنىڭ ديرەكتورى
